Ka disa gjëra, të cilat revista online  “Babyology” i konsideron si “mëkate” të cilat prindërit shpesh i bëjnë por që në të vërtetë nuk duhet që t’i bëjnë.

• Prindërit qëndrojnë deri vonë zgjuar. Ndodh shpesh që pasi fëmijët flenë ju të qëndroni për të parë një program të caktuar në televizor dhe kjo është e gabuar. Përpiquni të qetësoheni edhe ju pasi fëmijët flenë.
• E stimuloni së tepërmi fëmijën. Mund të duket ide e mirë ta lini të shikojë televizor apo iPad para gjumit derisa të pastroni kuzhinën apo bëni diçka tjetër, por në të vërtetë jeni duke e stimuluar fëmijën dhe nxitur pagjumësinë e tij.
• Nuk i lani enët në mbrëmje. Nëse jeni shtrirë në shtrat dhe mendoni për enët e palara do t’ju duket një makth, por a e dini se ky makth do të jetë edhe më i madh nëse zgjoheni në mëngjes dhe ato janë ende ajte. Në mëngjes do të jetë një kaos kur t’ju duhet edhe të gatuani mbi rrëmujë.
• I lini sendet jashtë. Sendet me vlerë mund të thyhen apo prishen në çdo moment nga fëmija, e madje as një copë çokollatë nuk duhet të vendoset në vendin e gabuar duke qënë se mund të përfundojë brenda krevatit tuaj.
• E lejoni fëmijën të qëndrojë zgjuar deri vonë. Nëse do ta bëni këtë qoftë edhe për fundjavë do të gjendeni para zgjimeve të shpeshta gjatë natës si edhe zgjimit të hershëm në mëngjes duke qënë se programi i gjumit të fëmijës është prishur.
• I jepni prioritet aktiviteteve tuaja. Në të vërtetë ato duhet të rregullohen sipas nevojave të fëmijës.

Lexoni edhe: Për çfarë ka nevojë një nënë, 7 gjërat që e bëjnë të lumtur