Çerdhja e kopshti janë shumë të rëndësishme për zhvillimin e fëmijës dhe gjithnjë e më shumë prindërit i çojnë të vegjlit e tyre në këto institucione, në vend që t’i lënë në shtëpi me gjyshërit ose me dado. Kontakti me fëmijët e tjerë i ndihmon fëmijët të zhvillojnë më shumë aftësitë e tyre njohëse dhe marrëdhëniet me botën që i rrethon.

Qëndrimi i zgjatur ka efekte negative

Megjithatë, prindërit duhet të tregohen të kujdesshëm të mos e teprojnë. Nëse i lini fëmijët gjithë ditën në çerdhe mund të dëmtoni shëndetin e tyre. Kjo është konstatuar pas një studimi që është marrë me efektet negative të qëndrimit të fëmijës me orare të zgjatura në çerdhe ose kopsht.

Çrregullime në sjellje

Studiuesit shprehen se nuk i kanë trajtuar gjerësisht efektet negative të qëndrimit gjatë në çerdhe, por kanë folur më shumë për anët e mira sepse duan të inkurajojnë prindërit të shkojnë në punë e t’i çojnë fëmijët atje. Por ka edhe anë jo fort të mira të qëndrimit në çerdhe. Fëmijët që qëndrojnë shumë gjatë shfaqin çrregullime në sjellje, të cilat bëhen më të dukshme në moshën e shkollës.

Dëmi i shkaktuar nuk kuptohet menjëherë

Përgjithësisht fëmijët nuk shfaqin shenja problemesh dhe nuk kërkojnë ndihmë në fillim, prandaj dhe është shumë e vështirë për t’i kuptuar.

Fëmija ka nevojë për kontaktin me ju

Çerdhja në vetvete nuk përbën rrezik për shëndetin e fëmijëve, përkundrazi e ndihmon atë të zhvillojë aftësi të reja, por shumë orë në një mjedis larg familjes nuk i bën mirë një fëmije në atë moshë. Fëmijët kanë shumë nevojë për kontaktin që mund t’ua japin vetëm prindërit ose të afërmit. Mungesa e këtij kontakti për një kohë të gjatë mund të shkaktojë probleme që shfaqen kur fëmija të jetë i rritur, si probleme me vetëbesimin, sigurinë etj.

Prindërit duhet të kenë parasysh se çerdhja i bën shumë mirë fëmijës, por pa e ekzagjeruar. Mbi të gjtiha fëmija ka nevojë për përzemrësinë e dashurinë tuaj.

Lexo edhe: Frekuentimi i cerdhes, si ndikon tek femija?

Sorry, there are no polls available at the moment.

')}