Momenti kur vellai i madh takon motren per here te pare, shikoni si shperthen ne lot nga xhelozia

Kur fotografi Jordan Burch mbërriti në dhomën ku sapo kishte lindur një nënë, për të bërë fotot e para, takoi edhe një djalë 22 muajsh dhe motrën e tij të sapolindur, por nuk e kishte imagjinuar që i vogli Jackson do të ishte kaq i mërzitur.

“Sot nuk shkoi siç e prisja”, – shkroi Jordan në blogun e tij pas fotove të mrekullueshme.” Zakonisht, kur nënat më thërrasin për të shkuar në spital, takimi i fëmijëve më të mëdhenj me të sapolindurit është i mrekullueshëm.”

Jo që ky fëmijë nuk ishte i adhurueshëm, por reagimi i tij ishte tjetër nga ajo që pritej:

“Kishte shumë puthje, përqafime e shumë pyetje.” Në fillim, Jackson u duk se e pëlqeu motrën e vogël, madje edhe e tha emrin e saj.

“Ai ishte mirë derisa gjeti një vend në prehrin e së ëmës, por pastaj nuk ishte çdo gjë aq e bukur.”

Pas kësaj, djali nisi të qajë, të bërtasë e të vazhdojë të qajë pa pushim.

“Pashë se si lotët e tu thyen edhe zemrën e mamit” – shkruan më tej fotografi duke iu drejtuar vogëlushit, por “lajmi i mirë është se dashuria për motrën do të të rritet me kalimin e kohës, ose shumë shpejt, ditë pas dite. Madje, do ta duash mamin edhe më shumë që të solli në jetë një motër, e cila do të të dojë si e çmendur. Jam i sigurt që kjo të ka bërë vëllain më të lumtur në botë, edhe pse sot nuk e ndien dhe nuk e kupton dot.”

Lexoni përmes këtyre fotove takimin më të magjishëm në botë.