Flokët e shkurtra deri tek qafa, të kthyera pas veshëve janë trendi i kësaj vere. Ato i kemi parë tek shumë personazhe të njohur televizivë si këngëtare, prezantuese, modele, blogere etj.

Por Korey Fitzpatrick, kuratorja e imazhit për shumë artistë, përfshirë këngëtaren Dua Lipa, jep disa këshilla në rast se vendosni të ndiqni këtë trend veror për flokët tuaj.

Ajo thotë se është shumë e rëndësishme të keni parasysh disa elementë në mënyrë që të mos ndiheni bukur vetëm ditën që dilni nga parukeria, por të dini të kujdeseni për këtë model flokësh në vazhdim.

“Merrni kohën tuaj dhe bëni pyetje para se të largoheni nga salloni”, thotë Fitzpatrick. 

Ajo shton se një pjesë tjetër e rëndësishme për të siguruar që ju mund të menaxhoni pamjen tuaj të re është të merrni mjetet e duhura. Ajo rekomandon një furçë të rrumbullakët për të ndihmuar krehjen voluminoze në shtëpi.

Ky stil elegant duket shumë bukur në çdo formë fytyre, por Fitzpatrick thotë se gratë me flokë më të trashë e të dendur do të jenë ato që do i shkojë më shumë ky model.

“Pa peshën në pjesën e përparme, ju humbni atë pamje të mprehtë dhe elegante”,- thotë ajo.

Lexo edhe: 7 modele flokësh te thjeshta per tu modeluar ne keto dite te nxehta