Duke qënë se konstipacioni (kapsllëku) tek fëmijët është një shqetësim shumë i përhapur mund të lindë nevoja e përdorimit të mikroklizmave. Para se t’ju udhëzojmë në lidhje me përdorimin e duhur të tyre, na duhet t’ju themi se bebet e porsalindura më shumë se probleme me defekimin, kanë probleme me përdorimin e muskujve të duhur të anusit në lidhje me defekimin. Prandaj, para se të veproni duhet të jeni të sigurta se ai është vërtet duke vuajtur nga një problem i tillë.
Kur mund të konsiderojmë se fëmija vuan nga konstipacioni (kapsllëku)?
Kur ai ka të paktën 4 ditë pa defekuar dhe në këtë rast duhet t’i bëni masazhe rrethore në bark. Nëse edhe pas kësaj ai nuk defekon mund të provoni ta stimuloni.
Cila është mënyra më e mirë për ta stimuluar?
Sonda e vogël
Si fillim mund të përdorni një “sondë” të vogël e cila është e ndryshme nga mikroklizma me glicerinë. Kjo mund të përdoret edhe gjatë muajve të parë të jetës. Aplikoni vaj ulliri sipër saj dhe më pas e vendosni në anusin e fëmijës duke e futur rreth 3 cm dhe e lëvizur shumë ngadalë në formë rrethore. Nuk duhet ta fusni më shumë se 3 cm në anus. Nëse zorra rektale është e mbushur me ajër dhe feçe do të zbrazet menjëherë, në të kundërt do të ndodhë pas rreth 5-10 minutash.
Mikroklizmat me glicerinë
Mjekët këshillojnë që zbrazja e zorrës të bëhet me stimulimin e mësipërm, kjo pasi glicerina mund të irritojë zorrën e fëmijës. Nëse përdoren për një kohë të gjatë ato do të jenë tepër agresive për mukozën e saj. Nëse do të zgjidhni ta përdorni duhet të dini se përdorimi i saj do të jetë i tillë:
• ½ e mikroklizmës për bebet deri në moshën 12 mujore;
• 1 mikroklizmë për ata deri në moshën 12 vjeçare.
Lexoni edhe: Kontipacioni (kapslleku) tek femijet, a mund te jene shkaktar ushqimet?
Për të lënë një koment ju duhet të jeni regjistruar Identifikohu