Në vitin 2018 më në fund mund të flasim me zë të lartë për problemet që lidhen me pjellorinë dhe vështirësitë që hasin shumë gra në këtë aspekt.

20 vjet më parë nuk ka qenë kështu dhe gratë që hasnin vështirësi për t’u bërë nëna e kishin shumë të vështirë të gjenin zgjidhje, sepse për këtë problem pothuajse nuk flitej fare.

Për këtë ka folur Michelle Obama, bashkëshortja e ish presidentit të Shteteve të Bashkuara, e cila tregon se ka pasur shumë vështirësi për të ngelur shtatzanë me vajzën e saj të parë.

Ajo thotë se mosnjohja e problemeve, mospranimi i tyre është gjëja më e dëmshme që një grua i bën vetes, sepse kështu i heq të drejtën vetes të gjejë një zgjidhje.

Michelle tregon se në moshën 34-35 vjeçare ajo ka marrë në konsideratë metodën invitro, pasi po i dukej e pamundur të ngelej shtatzanë.

Michelle inkurajon të gjitha gratë dhe vajzat të mos kenë turp nga kjo metodë, madje të jenë falenderuese për eksiztencën e saj, që ndihmon ato që kanë vështirësi në ngjizjen e një fëmije.

Lexo edhe: Fertilizimi in-vitro, sa rendesi ka mosha e nenes?