Ditën e sotme moderatorja e dashur e pasditeve tona Rudina Magjistari na ka treguar se dje ka festuar ditëlindjen e së bijës Mia. Vajza e Rudinës ka mbushur 5 vjeçe dhe në kushtet e pandemisë në të cilën gjendemi, nga fotot kuptojmë se festa është organizuar në ambientet e shtëpisë.

Përmes ngjyrave të ylberit të pasqyruara në tortë, moderatorja i ka bërë vajzës urimin më të bukur “Me gjithë ngjryat e ylberit qoftë e zbukuruar jeta jote! Gëzuar ditëlindjen e vogla ime!”.

Në fotot e publikuara në Instagramin e moderatores shohim Mian duke pikturuar një flutur. Sigurisht fotoja është nga pas, duke ruajtur imazhin e vogëlushes.