Që prej kohës së shtatzanisë, lindjes së djalit e më tej në çdo etapë të rritjes së tij, për këngëtaren Tuna ka ndryshuar rendi i gjithçkaje dhe prioritetitn absolut e ka i biri Tian.

Thonë se mëmësia të bën më të butë, më të dashur e të ndjeshme dhe përgjatë këtyre viteve, Tuna e ka dëshmuar më së miri këtë fakt. Mëngjesin e sotëm, ajo ka postuar një foto të të birit me një kafshë shtëpiake, një qen, e të dy janë duke luajtur.

Krahas kësaj pamjeje të mëngjesit në shtëpinë e këngëtares, ajo ndan me ndjekësit e saj edhe një mesazh shumë të rëndësishëm.

“Mësojini fëmijët të jenë të dashur me kafshët, që të mësohen të jenë të dashur me njerëzit kur të rriten”, – shkruan Tuna.