Kur fëmija britanik Louise Brown lindi pikërisht 41 vjet më parë, e gjithë bota i kishte sytë te ajo. Prindërit e saj, Lesley dhe John, ishin çifti i parë që lindën një fëmijë përmes metodave që nuk kishin lidhje me marrëdhëniet seksuale. Si foshnja e parë e lindur me fertilizimin in vitro, Louise mori famë botërore. Historia e saj e lindjes tronditi botën, dhe kishte edhe nga ata që kritikuan prindërit e saj për këtë zgjedhje kaq inovatore për kohën.

Për fat të mirë, këto katër dekada shumë gjëra kanë ndryshuar, dhe Louise dhe prindërit e saj ndihmuan të hapin rrugën për lloje të reja të trajtimeve të fertilitetit. Edhe sot, ajo mbetet një simbol i shpresës për shumë çifte që janë mbështetur në metodën IVF për të krijuar familje.

Tani ajo sapo ka mbushur 41 vjeçe.

Si shumë familje, prindërit e saj luftuan me infertilitetin, gjë që ishte goditje emocionale për ta. Ata u pëproqën për 10 vjet për një fëmijë  derisa tentuan me metodën e fertilizimit in vitro.

Më pas ky rast i suksesshëm i hapi rrugën shumë çifteve të tjera.