Në datën 30 të këtij muaj, Jonas, djali i këngëtares shumë të dashur Maya ka ditëlindjen e tij të parë. E ftuar në emisionin “Ftesë në 5”, ajo ka folur për planet që ka për 1-vjetorin e djalit.
Maya tregoi se duke qenë që me bashkëshortin nuk kanë bërë ndonjë festë të madhe për njëri-tjetrin si fejesë ose martesë, kishte menduar që kur të lindte një fëmijë, të organizonin një festë për të.
Mirëpo, afër kësaj date, dy vjet më parë, Maya humbi një nga njerëzit e saj më të dashur, vëllain e saj të vetëm e për këtë arsye, nuk ndihet ende gati për të festuar, pasi ka nevojë për kohë për tu ndjerë më mirë emocionalisht.
Nga ana tjetër, ditëlindja e tij përkon edhe me festat e nëntorit dhe Maya është në koncerte. Por, ajo nuk do të donte të ishte larg të birit në atë ditë aq të rëndësishme, kështu që do ta marrë me vete në diasporë, ku do të performojë dhe organizatori i koncertit i ka premtuar se do të bëjë një dekor të veçantë përshtatur me ditëlindjen e tij.
Për të lënë një koment ju duhet të jeni regjistruar Identifikohu