Materniteti “Mbretëresha Geraldinë” hap klasa prenatale falas për të trajnuar nënat e reja

0 0

Materniteti “Mbretëresha Geraldinë” në Tiranë ka hapur për herë të parë klasa prenatale falas për të trajnuar nënat e reja mbi kujdesin që duhet të kenë ndaj bebit.

Gratë që bëhen nëna për herë të parë duhet të jenë të informuara për atë që do të ndodhë në jetën e tyre, apo mënyrën se si të sillen dhe trajtojnë beben pas lindjes.

Atyre do t’ju vijë në ndihmë informacioni që do të marrin nga mjekët e maternitetit në lidhje me mënyrën se si duhet të sillen në fillim me bebin, si t’I mbajnë, t’I ndërrojnë apo edhe t’I lajnë.

Seanca e parë e klasës prenatale është organizuar ditën e diel tek Reja në Tiranë, ku drejtorja e maternitetit Eliona Demaliaj së bashku me ministren e Shëndetësisë, me stafin e mjekëve të spitalit si dhe me nënat shtatzëna, kanë bashkëbiseduar rreth vështirësive që hasen sidomos pas lindjeve për herë të parë.

Mjekët e spitalit, jo vetëm iu përgjigjën pyetjeve të nënave të reja, por dhe u shpjeguan atyre tema mbi shtatzëninë, rreziqet, lindjen, të porsalindurit.

“Ajo që më shqetëson është momenti final, e kam pak me frikë, gjithsesi ajo që dua është lindja normale”, ka treguar një nga gratë shtatzëna.

Ndërsa një ndër mjekët gjinekologë të spitalit i është përgjigjur : “Unë mendoj se duhet të jetë e përgatitur për dhimbjet e lindjes dhe të kuptojë që dhimbja dhe lindja shkojnë bashkë”.

Nga ana tjetër drejtorja e spitalit ka theksuar se edukimi i grave shtatzëna çon në lindjen e një fëmije të shëndetshëm, për nënat, për familjet por edhe për shoqërinë.

Kjo nismë e re është mirëpritur nga gratë shtatzëna, të cilat gjatë vizitave që bëjnë tek gjinekologët që i ndjekin, nuk kanë mundësi të marrin shpjegim për çdo paqartësi që kanë apo të heqin dhe frikën kur janë në muajt e fundit të shtatzënisë.

 






Për të lënë një koment ju duhet të jeni regjistruar Identifikohu



Materiale te ngjashme

Pse çdo grua shtatzënë duhet...

Anomalitë gjenetike mund të ndodhin në çdo shtatzëni, prandaj testi NIPT është i rëndësishëm për çdo grua shtatzënë, pavarësisht nga mosha e saj apo risku i predispozitës gjenetike. Ekspertët mjekësorë...

MËSONI MË SHUMË PËR TESTIN...

A e dini se mund të zbuloni nëse fëmija juaj është i shëndetshëm që në javën e 10-të të shtatzënisë? Ju mund ta zbuloni shëndetin gjenetik të foshnjës tuaj gjatë...

Jo çdo NIPT është NIFTY

"Çfarë është testi NIFTY? A janë NIPT dhe NIFTY e njëjta gjë? A ka rëndësi se cilin të zgjedhësh? Këto janë të gjitha pyetjet me të cilat përballen shumë gra...

Gjithçka që duhet të dini...

Testi NIFTY nga GenePlanet u mundëson prindërve të ardhshëm të mësojnë më shumë për shëndetin e foshnjës së tyre ndërkohë që ai ose ajo është ende në mitër. Në këtë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X