Si të rrisim sa më mirë fëmijët tanë? Kjo është konsideruar si “pyetja 1 milion dollarëshe”, pasi për të gjithë prindërit ky është shqetësimi më i madh, ai që i bën të jenë gjithmonë në ankth dhe stes, që i bën të pyesin veten nëse janë duke bërë gjënë e duhur në lidhje me rritjen dhe edukimin e fëmijës.
Për ta bërë me sa më pak ankth rritjen e fëmijës!
- Duhet të bashkëbisedoni dhe të shkëmbeni shumë përqafime. Hiqni dorë nga ndëshkimet dhe i jepni fëmijës dashuri. Ju duhet të jeni një shembull i mirë për fëmijën tuaj dhe duhet të inkurajoni sa më shumë sjelljen e mirë tek ai edhe duke e lavdëruar kur bën gjënë e duhur. Pra mos u përqëndroni më tepër tek sjelljet negative dhe ndëshkimet që duhet të jepni.
- Vendosni disa rregulla por të qarta. Nuk është e nevojshme të lodhni trurin tuaj dhe të fëmijës me rregulla pafund. E rëndësishme është të përcaktoni disa në bazëtë moshëssë fëmijës dhe të përpiqeni të zbatohen me përpikmëri.
- I përfshini në të gjitha gjërat që ndodhin në familje. Ata duhet të konsiderohen pjesë e familjes në të gjitha drejtimet dhe për këtë arsye duhet t’i shpjegoni ato që ndodhin brenda shtëpisë tuaj. Mbani mend se ndërsa bisedoni me ta duhet të jeni në lartësinë e tyre, pra uluni në gjunjë dhe i shikoni në sy.
- Nëse keni një fëmijë adoleshent duhet të dini se ai ka nevojë për pavarësinë e tij por edhe për stimulim. Ai do të jetë duke përjetuar jo vetëm një ndryshim fizik por edhe psikologjik prandaj nuk duhet të jeni tepër të fiksuar për ta pyetur në lidhje me të gjitha gjërat që bën. Në vend që ta mbysni me pyetje, përpiquni të mbështesni dhe stimuloni pasionet e tij, t’i jepni besim, dhe mbi të gjitha t’i jepni një shembull të mirë.
- Fëmijës duhet t’i jepni dashuri, të jeni kurdoherë të disponueshëm dhe të kujdeseni për të gjithmonë. Duhet të jeni gjithmonë pranë tij, kur është i lumtur dhe kur është i trishtuar. Ju duhet të jeni për fëmijën mbështetja më e madhe, prandaj bëni të pamundurën që edhe ata ta kuptojnë këtë gjë.
Lexo edhe:
6 gjerat me te rendesishme qe duhet t’i mesoni femijes tuaj
Si ka ndryshuar lidhja mes divorcit dhe te pasurit nje femije para marteses?
10 veprimet qe nje mashkull i dashuruar ben
')}
Për të lënë një koment ju duhet të jeni regjistruar Identifikohu