Po mendoni të bëni makarona, por doni të kurseni sa më shumë kohë për përgatitjen e salcës së tyre? Kjo recetë e thjeshtë dhe e shpejtë ju vjen në ndihmë pasi koha e përgatitjes së saj është e barabartë me kohën e zierjes së makaronave. Kaq duhet për të përfunduar gjithë këtë pjatë të shijshme.

Përbërësit:

• 1 pako makarona;
• 2 kokrra vezë;
• 2 gota qumësht;
• pak kripë;
• vaj.

Përgatitja:

Në ujin e valuar hidhni të ziejnë makaronat, të cilave iu shtojmë që në zierje sasinë e kripës dhe vaj që të mos ngjisin. I lëmë të ziejnë aq sa tregon minutazhi në paketimin e tyre.

Për të mos humbur kohë, ndërkohë që makaronat ziejnë, përgatisim salcën që do t’i shoqërojmë. Marrim vetëm të verdhat e vezëve, i rrahim në një tas (mjafton vetëm një pirun për rrahjen e tyre) dhe më pas shtojmë sasinë e qumështit duke vazhduar rrahjen e tyre me pirun.

Në përfundim të kohës së zierjes së makaronave, i kullojmë dhe u shtojmë masën e përgatitur.

Ato janë gati për t’u ngrënë. Ju bëfshin mirë.

Lexo edhe: Si të gatuajmë makarona kaneloni me spinaq dhe rikota- receta