Të porsalindurit janë shumë të ndjeshëm ndaj përqafimeve të prindërve, dhe kryesisht të nënës që në ditët e para të jetës. Do të mjaftonte një prekje, një përqafim për të përforcuar marrëdhënien tuaj me fëmijën, dhe këtë e vërteton edhe një studim i bërë kohët e fundit.

Si mund të vërtetohet kjo?

Është fakt pasi fëmija e percepton që në momentet e para të lindjes prekjen dhe përkedheljen e nënës dhe babait, gjë e cila shoqërohet edhe me rrahje më të shpejta të zemrës.

Fuqia terapeutike e një përqafimi

Studimi i kryer nga Merle Fairhurst nga instituti Max Planck (For Human Cogntivie and Brain Scences ) në Leipzig, Gjermani, ka nxjerrë përfundimin se përqafimi dhe prekja e nënës dhe babait kanë edhe efekt terapeutik tek fëmija i porsalindur, dhe kryesisht tek ata të lindur prematurë.

Ekspertët gjermanë kanë dashur të studiojnë efektet stimuluese që kjo prekje do të kishte tek fëmijët prematurë, pra kontakti me lëkurën e tij. Është vënë re se rrahjet e zemrës së fëmijës kanë ndryshuar në momentin që nëna i ka marrë në krahë dhe i ka përqafuar. Ekspertët pohojnë se aftësia për të perceptuar një prekje aq të ndjeshme dhe të dashur është jetike që në muajt e parë të jetës së fëmijës. Mes fëmijës dhe prindërve krijohet një marrëdhënie e afërt fizike e cila i ndihmon ata të zhvillojnë aftësitë e tyre njohëse (konjuktive).

Lexo dhe: Ja si jua shpreh bebi juaj cdo dite dashurine