E rëndësishme është që fëmijët të zhvillojnë aktivitete të ndyshme sportive, dhe të përfshihen në aktivitete në grup. Futboll, basketboll, volejboll. Kjo këshillohet për shkak se pjesëmarrja në sportet në ekip ndihmon në parandalimin dhe luftimin e çrregullimeve të humorit, veçanërisht në mesin e adoleshentëve. Kjo u zbulua nga një studim i botuar në revistën mjekësore “Biological Psychiatry”. Hulumtimi, i kryer nga hulumtuesit në Universitetin e Uashingtonit në St Louis, në SHBA, shqyrtoi një mostër prej 4,191 fëmijëve të moshave 9 deri në 11 vjeç, prindërit e të cilëve dhanë informacion për pjesëmarrjen e fëmijëve të tyre në aktivitete sportive ose aktivitete të tjera si dhe për çdo simptomë depresive.
Lidhja mes sportit në grup dhe depresionit
“Ne kemi gjetur se përfshirja në sportet të cilat zhvillohen nëgrup është e lidhur me një rritje në vëllimin e hipokampalit (zona e trurit që është e rëndësishme për kujtesën dhe humorin) dhe uljen e depresionit tek shumë të rinj”, tha Lisa Gorham, autore dhe drejtore e studimit. “Marrëdhënie veçanërisht të forta u panë tek ata që ishin pjesë e ekipeve shkollore dhe shoqatave sportive krahasuar me ata që kishin një angazhim më joformal ndaj aktiviteteve fizike. Nuk është e qartë nëse pjesëmarrja në sportet ekipore çon në ulje të depresionit ose anasjelltas. Sidoqoftë, rezultatet nxisin punë të re për parandalimin dhe trajtimin e kësaj gjendjeje tek fëmijët”.
Përfitimet e sportit në ekip janë të ndryshme: duke qenë pjesë e një grupi në sport ndihmon, për shembull, për të ndarë rregullat e lojës, emocionet, dështimet dhe humbjet, për të kuptuar vlerën e bashkëpunimit, të gjitha këto janë hapa të vegjël që kanë në të vërtetë efekte të rëndësishme në përcaktimin e kompetencave sociale që fëmijët do të kenë si të rritur.
Ndjenja e një grupi është veçanërisht e rëndësishme për fëmijët e vetëm: rrit vetëbesimin dhe aftësitë ndërpersonale, jep mundësinë të shohin kufijtë e dikujt, duke i menaxhuar ato në mënyrë më të mirë.
Lexo edhe: Sportet qe ndihmojne femijet per dhimbjet e shpines
Për të lënë një koment ju duhet të jeni regjistruar Identifikohu