Le të argëtohemi bashkë me të!
Të luash me një fëmijë të vogël do të thotë ta ndihmosh atë të zhvillohet dhe të fitojë aftësitë e duhura të moshës. Ai duhet të zhvillojë aftësitë e tij njohëse, motorike si edhe lidhëse me personat dhe botën e jashtme, dhe për ta bërë këtë asgjë nuk do të ishte më efikase se mënyrat argëtuese.
0-1 vjeç
 Mirëseerdhe në familje! Sapo vjen në familje dhe deri në muajin e 5 fëmijë fillon të mësojë të gjithë tingujt dhe format e objekteve që e rrethojnë. Nga ky muaj mund ta vendosni atë në tapetin e shtëpisë apo në vendin e posaçëm (që përmban lodra) dhe të luani bashkë. Gjithashtu fëmija duhet të përfshihet në të gjitha veprimtaritë e familjes.
 Loja e ritmeve dhe tingujve. Për fëmijën e vogël çdo tingull mund të jetë tërheqës dhe të ngjallë kuriozitet, qoftë edhe zhurma e lavatriçes që është duke punuar. Në këtë periudhë ju duhet t’i tregoni atij përralla në mënyrë që t’i mësoni atij bazat e gjuhës (të folurit) si edhe t’i transmetoni qetësi.
 Librat me prekje. Librat me përbërje cope ose kartoni shpesh e bëjnë fëmijën më të ndërgjegjshëm për materialin apo formën e figurës që është duke prekur. Gjithashtu, do të ishte një ndihmë shumë e madhe për fëmijën edhe të shpjeguarit e prindërve. Pra në momentin që ai është duke prekur librin ju mund t’i thoni se ai është qeni, macja, shtëpia, kartoni etj.

Lexoni edhe: Lojerat qe stimulojne zhvillimin e shikimit te bebes