Kolikat te bebet
Të shkaktuara nga një tepricë e ajrit në bark, dhimbjet e barkut mund të shoqërohen me të qara të gjata, të forta, të papritura e pa pushim nga fëmija.
Ai forcon krahët dhe mbledh këmbët në bark. Është normale që prindërit, veçanërisht nëse fëmija i tyre i parë, t’i kapë ankthi. Në të vërtetë, mjafton vetëm prekja e lehtë e duarve të nënës ose babait për të lehtësuar dhimbjen, relaksojeni fëmijën dhe lëreni dhimbjen e barkut të kalojë.
Rregulli i tre faktorëve
I porsalinduri mund të qajë për shumë arsye. Që të kuptoni nëse bëhet fjalë për dhimbje barku, fëmija dhet të plotësojë atë që quhet rregulli i tre faktorëve.
Nëse një fëmijë i shëndetshëm dhe i ushqyer mirë qan për një periudhë prej të paktën 3 orë në ditë, për më shumë se 3 ditë në javë dhe për më shumë se 3 javë, atëherë ka dhimbje barku. Megjithatë, forma të lehta janë të mundshme. Në çdo rast, është pediatri që përcakton nëse është me të vërtetë dhimbje barku, duke përjashtuar shkaqet e tjera që mund të shkaktojnë dhimbje dhe parehati te foshnjat.
Masazhi që lehtëson
Për të parandaluar ose lehtësuar dhimbjet e barkut, masazhet në këtë zonë janë shumë të dobishme, gjë që ndihmon foshnjën për të larguar ajrin. Për të inkurajuar rrëshqitjen e duarve në lëkurë, ju mund të përdorni vajin e bajames së ëmbël ose një krem delikat për foshnjat. Kryeni një lëvizje rrethore në drejtim të kundërt me lëvizjen e akrepave të orës, me pëllëmbat e hapura dhe duke ushtruar presion të lehtë. Përsëriteni për të paktën 10 herë.
U-ja e përmbysur
Një tjetër masazh i dobishëm që mund ta bëni me majë të gishtave nga e djathta në të majtë, është të ktheni fëmijën përmbys në formën e gërmës U. Përsëriteni për të paktën 10 herë.
Lëvizini këmbët
Për të ndihmuar në largimin e ajrit, mund të përdorni edhe këmbët. Ngrijini këmbët dhe afrojini me barkun me pak presion. Edhe këtë përsëriteni 10 herë dhe në fund mund të bëni ushtrimin e biçikletës.
Lexo edhe: Kolikat e bebes, efekti i prebiotikeve
Për të lënë një koment ju duhet të jeni regjistruar Identifikohu