Një nënë 31 vjeçare, rrëfen këndvështrimin e saj mbi komentet që bëjnë njerëz të ndryshëm për mënyrën e lindjes, qoftë kjo e zgjedhur nga nëna, qoftë mënyra e vetme që kanë mundësi.

Sipas saj, asnjë nënë nuk është më pak se tjetra dhe aq më pak kjo nuk varet nga mënyra e lindjes.

Është diçka që të gjithë të pyesin kur je shtatzënë: “A do të bësh lindje natyrale?” Jam e vetëdijshme se ka një “sistem vlerësimi” joformal, por jam e kujdesshme të qëndroj neutrale, pasi mendoj se çdo lindje është e ndryshme dhe çfarëdo që njerëzit zgjedhin të bëjnë varet nga ata.

Lindja e fëmijës nuk është shaka, askush nuk e konsideron ndërhyrjen në kanalin e rrënjës së dhëmbit pa anestezi, kështu që pse do të ishte ndryshe qetësimi i dhimbjes kur nxjerr një qenie tjetër njerëzore nga vetja dhe kush e ka të drejtën që të gjykojë për këtë?

E ku janë këta mjekë në spitale që janë kaq të pakualifikuar sa mund të të bëjnë gabim epiduralin dhe të të lënë të paralizuar apo të gabojnë në operacion?

Une personalisht do të doja një lindje natyrale, por i kam frikë dhimbjet dhe me mjekët zgjodhëm operacionin si mënyrën më të mirë për të sjellë fëmijët në jetë.

Sa i përket planifikimit të lindjes perfekte, natyra ka një mënyrë qesharake për të na i prishur të gjitha.

Asnjë grua dhe asnjë mënyrë lindjeje s’është më pak nënë e s’të bën më pak nënë!

Lindja me operacion nuk ka asgjë të gabuar dhe ndal gjykimeve!

Ndërhyrja e mjekut në një formë apo në tjetrën nuk e bën më pak të vlefshme as lindjen, as mundin e nënës.