Pas lindjes së fëmijës është shumë i rëndësishëm kontakti lëkurë me lëkurë midis nënës dhe fëmijës. Edhe mund të duket si një diçka e “pa vlerë”  nuk është aspak kështu!

Lindja me operacion çezarian

Kohët e fundit është vënë re një rritje në mënyrë të ndjeshme e numrit të lindjeve me operacion, dhe sidomos në Shqipëri duket se kjo metodë konsiderohet si më pak e dhimbshme krahasuar me atë natyrale. Sigurisht që dhimbjet e lindjes natyrale nuk përjetohen, por nuk duhet të harrojmë rreziqet dhe dhimbjen që gruaja ndien pasi ka sjellë në jetë fëmijën. Gjithashtu diçka që nuk favorizohet nga kjo mënyrë lindje është kontakti lëkurë me lëkurë midis fëmijës dhe nënës. Sipas revistës “Nursing for women’s healt”, infermieret e repartit të neonatologjisë duhet të praktikojnë metodën e vendosjes së menjëhershme të fëmijës në kontakt me lëkurën e nënës, gjë e cila është “dhurata” më e mirë për nënën dhe fëmijën.

Cilat janë përfitimet?

Fëmija do të ketë përfitime të shumta nga ky kontakt, të cilat mund të jenë: një gjumë më i mirë, rregullim më i mirë i temperaturës trupore, rregullim më i mirë i peshës, i zhvillimit cerebral dhe fëmijës, krijohet një lidhje më e mirë mes tyre si edhe gjidhënia do të funksionojë në mënyrën e duhur. Ky kontakt është takimi më special që mund të bëhet midis nënës dhe të porsalindurit , dhe këtë takim nuk duhet ta pengojë mënyra e lindjes.