Ditën e sotme ka lindur fëmija i parë afgan në Shqipëri, nga një 27-vjeçare, e cila bëhet nënë për herë të gjashtë. Lindja është kryer në spitalin e Lezhës dhe mësohet se gjendja shëndetësore e të dyve është e mirë.
Nisur nga fakti se fëmija erdhi në jetë në vendin tonë, prindërit kanë dashur t’i vendosin atij një emër tipik shqiptar dhe mësohet se kanë zgjedhur ta quajnë Alban.
Mjeku Nikoll Brozi ka dhënë një intervistë për televizionin Fax News, ku shprehet se vogëlushi ka lindur në gjendje shumë të mirë. Vetë familja afgane nuk preferon të flasë për rastin, në mënyrë që të mbrojnë sigurinë e tyre.
Fotot – Marrë nga Fax News
Qindra afganë të larguar nga vendi i tyre, për shkak të marrjes së kontrollit nga talebanët, po akomodohen në vendi ntonë prej disa javësh. Ata janë vendosur në zonat e Shëngjinit, Shkëmbi i Kavajës dhe në kryeqytet.
Për të lënë një koment ju duhet të jeni regjistruar Identifikohu