Aftësia e fëmijëve për të kuptuar të tjerët varet nga harmonia me nënën, dhe nga ndërveprimi mes tyre, që në fazat e para të jetës. Lajmi vjen nga një studim i botuar në revistën britanike të Psikologjisë Zhvillimore nga hulumtuesit në Universitetin e Jorkut (në Mbretërinë e Bashkuar). “Këto rezultate, thotë Elizabeth Kirk, që udhëhoqi hulumtimin, janë të rëndësishme pasi ato tregojnë rolin themelor të ndërveprimit ndërmjet nënave dhe fëmijëve gjatë fëmijërisë së hershme”.
Një lidhje e veçantë
Hulumtuesit dolën në këto përfundime pas shqyrtimit të mënyrës në të cilën nënat e reja kanë lidhje me fëmijët e tyre në moshë të hershme, duke parë në mënyrë të veçantë mënyrën se si nënat, të lira për të bashkëvepruar me fëmijët, interpretuan mendimet dhe ndjenjat e të vegjëlve të tyre. Eksperimenti u krye për herë të parë kur fëmijët ishin 10 muajsh dhe pastaj u përsëritën në moshën 12, 16 dhe 20 muajshe, duke theksuar se si disa nëna treguan më shumë se të tjerët aftësinë për të kuptuar mendimet e fëmijëve.
Aftësi socio-njohëse
Hulumtuesit vlerësuan pastaj përsëri 30 fëmijë rreth 5-6 vjeç, në lidhje me aftësitë e tyre socio-kognitive, duke u kërkuar atyre për të shpjeguar përmbajtjen e disa imazheve që përshkruan dymbëdhjetë ndërveprime të ndryshme sociale (gënjeshtra, keqkuptime, shaka). Ata zbuluan se fëmijët që kishin pasur më shumë harmoni me nënën e tyre kishin qenë në gjendje të interpretonin imazhet më saktë.
A e dini se?
Sipas një studimi të Universitet të Auklandës (Zelanda e Re), kur prindërit dhe foshnjat shikojnë njëri-tjetrin në sy, krijohet një gjendje e sinkronizimit cerebral që lehtëson komunikimin dhe ndërveprimin.
Lexo edhe: Instikti i nenes ekziston brenda ne trurin e saj
Për të lënë një koment ju duhet të jeni regjistruar Identifikohu