Bota e serialeve meksikane është tronditur nga ndarja nga jeta e aktores së mirënjohur e të dashur Edith Gonzales. Aktorja e njohur për rolin e saj si Salome në Shqipëri, ndërroi jetë në moshën 54-vjeçare, pas një beteje 3-vjeçare me sëmundjen e rëndë të kancerit në vezore.
Ajo kishte një vajzë 14-vjeçare, të cilës një vit më parë i shkroi një letër prekëse në ditën e saj të lindjes.
Letra e plotë:
“Një ditë ti më njoftove se po vije, duke dominuar trupin tim, duke e transformuar, pa ndjenja të pavërteta. Ndjeva rritjen tënde, ardhja jote ishte e fortë, delikate, e shumëpritur, e bukur.
Dhe kur dole nga barku im ti më bëre nënë. Unë munda të mbaja në krahët e mi një qenie që më zgjoi thellësisht ndjenjat e mëmësisë. Pak nga pak më mësove se prindërit mund të jenë një guidë në detin e gjerë që është jeta. Ky det që kaq shumë e do dhe në të cilin të është dashur të përballesh me valë, të ka bërë të dalësh dhe më inteligjente.
Jo e dashur, jeta nuk është e thjeshtë, por është e bukur. Ti ke një zemër të madhe, je inteligjente dhe ke shpirt bujar. Jam aq e plotësuar me ty, aq krenare kur shikoj si rritesh dhe kthehesh në guximtare dhe krijon një identitet tëndin të adhurueshëm, të gjallë, të fortë dhe të përkushtuar.
Costanza, Constanza ime, vogëlushja ime, qielli im, zemra ime, gjithçka e imja. Gjithçka është e jotja kur vendos të rritesh si valët, të dominosh horizontin, të sfidosh pushtetin e ujit, për të realizuar të gjitha dëshirat e tua.
Je vajza ime e bukur, vetëm të them faleminderit që më dhe mundësinë të jem nëna jote, të shikoj ëndrrat e tua dhe të shikoj tek ty mrekullinë e jetës. Gjithmonë do të jemi të kapura prej dore, pasi në fund të gjithë jemi pluhuri i yjeve. Gëzuar ditëlindjen! Të dua vogëlushe”.
Për të lënë një koment ju duhet të jeni regjistruar Identifikohu