Një djalosh 6-vjeçar nga Cesa e Italisë, nën rrezikun e koronavirusit, ka drejtuar një letër prekëse për të gjithë.
Pio ka sistem të dobët imunitar, e për këtë arsye ka frikë se infektimi me koronavirus mund të rezultojë fatal për të.
Në këto kushte, 6-vjeçari u kërkon të gjithëve të respektojnë rregullat e vendosura për parandalimin e epidemisë dhe të mos dalin nga shtëpia, pasi jeta e tij është në rrezik.
Letra e 6-vjeçarit, publikuar në Facebook nga e ëma:
“Përshëndetje, quhem Pio dhe jam 6 vjeç.
Jam një fëmijë imunodepresiv. E dini se çfarë do të thotë që të jesh imunodepresiv? Mund të ta shpjegoj me katër fjalë të thjeshta: zero antitrupa, zero imunitet. Unë jetoj në Cesa, kryebashkiaku i vendit tim po mundohet me të gjitha mënyrat që të më mbrojë mua dhe njerëzit e tjerë të dobët si unë, por… nëse nuk qëndroni në shtëpi, përpjekjet e tij do të shkojnë kot… Mendojeni… Faleminderit.”- janë fjalët vogëlushit.
Për të lënë një koment ju duhet të jeni regjistruar Identifikohu