Lego ka njoftuar se do të punojë për të hequr stereotipet gjinore nga lodrat e saj pasi një anketë globale e zhvilluar nga kompania zbuloi se qëndrimet për të luajtur dhe karriera e ardhshme mbeten të pabarabarta dhe kufizuese.

Studiuesit zbuluan se ndërsa vajzat po bëheshin më të sigurta dhe më të prirura për t’u përfshirë në një gamë të gjerë aktivitetesh, e njëjta gjë nuk ishte e vërtetë për djemtë.

Shtatëdhjetë e një përqind e djemve të anketuar kishin frikë se do të talleshin nëse do të luanin me ato që ata i përshkruanin si “lodra të vajzave”-një frikë e shprehur nga prindërit e tyre. “Prindërit janë më të shqetësuar se djemtë e tyre do të ngacmohen sesa vajzat e tyre për të luajtur me lodra të lidhura me gjininë tjetër”, – tha Madeline Di Nonno, e cila kreu studimin.

“Por është gjithashtu edhe për shkak se sjelljet e lidhura me burrat vlerësohen më shumë në shoqëri”, – tha Di Nonno. “Derisa shoqëritë të kuptojnë se sjelljet dhe aktivitetet që zakonisht lidhen me gratë janë po aq të vlefshme ose të rëndësishme, prindërit dhe fëmijët do të tentojnë t’i përqafojnë ato.

Studimi zbuloi se prindërit ende i inkurajonin djemtë të bënin sporte ose aktivitete Stem (shkencë, teknologji, inxhinieri, matematikë), ndërsa vajzave iu ofrua vallëzim dhe veshje (vajzat kishin pesë herë më shumë gjasa të inkurajoheshin në këto aktivitete sesa djemtë) ose pjekje (tre herë më shumë gjasa për t’u inkurajuar) “Këto njohuri theksojnë se sa të rrënjosura janë paragjykimet gjinore në të gjithë globin,” tha Geena Davis.

“Ka asimetri,” tha Prof Gina Rippon, një neurobiologe dhe autore e “Trurit gjinor”. “Ne inkurajojmë vajzat të luajnë me gjëra ‘djemsh’, por jo anasjelltas.”

Ky ishte një problem pasi lodrat ofruan “mundësi trajnimi”, tha ajo. “Pra, nëse vajzat nuk po luajnë me Lego ose lodra të tjera ndërtimi, ato nuk po zhvillojnë aftësitë hapësinore që do t’i ndihmojnë në jetën e mëvonshme. Nëse kukullat u jepen vajzave, por jo djemve, atëherë djemtë po humbasin aftësitë e edukimit.”

“Tradicionalisht, Lego është aksesuar nga më shumë djem, por produkte si linja arti dhe artizanati Lego Dots ose Lego City Wildlife Rescue Camp janë krijuar posaçërisht për të tërhequr djemtë dhe vajzat,” tha Goldin. Kërkesa Legos tani është të promovojë edukimin dhe përkujdesjen, si dhe vetëdijen hapësinore, arsyetimin krijues dhe zgjidhjen e problemeve.

“Detyra jonë tani është të inkurajojmë djemtë dhe vajzat që duan të luajnë me grupe që mund të jenë parë tradicionalisht si ‘jo për ta’”, shtoi Goldin.