Çdo nënë gjidhënëse ose që pompon qumështin e di se sa e vështirë është të kryejë këtë proces nëse është duke udhëtuar. Grace Stevens është një nga këto nëna, të cilës i duhet të udhëtojë shpesh për punë dhe gjatë udhëtimeve është ndeshur me vështirësitë e gjidhënies, apo të shtyrdhjes së qumështit të gjirit.

Kur përfundoi lejen e lindjes, gjatë udhëtimeve që bënte ajo ndërmori një nismë shumë frymëzuese për të gjitha nënat që janë gjendur në të njëjtën situatë si ajo, kur duhet të udhëtonin ndërkohë që ushqenin fëmijët me gji.

Në një pjesë të aeroportit, ajo filloi të ngjiste letra me mesazhe inkurajuese për çdo nënë dhe krahas letrave me mesazhe, ngjiti edhe letra bosh për të lënë hapësirë për gratë e tjera që të shprehnin atë që ato ndjenin dhe mendonin.

Në fillim, kur nisi këtë mënyrë të përcjelljes së measazhit, ajo nuk e kishte idenë e përmasave që do të merrte si ngjarje, sa virale do të bëhej dhe sa shumë përkrahje do të gjente nga gjithë nënat e tjera.

Pasi nisma u bë virale, filluan shumë komente në rrjetet sociale, ku nënat shpreheshin se mesazhet e Grace-it në letra ishin ndihmë dhe shtysë shumë e fortë që ato të vazhdonin gjidhënien sa më gjatë të ishte e mundur.

Edhe vetë aeroporti është ndikuar nga një gjest i tillë, duke ndërmarrë më shumë praktika që ju vijë në ndihmë nënave gjidhënëse, si përshembull krijimi i gjashtë hapësirave të reja për to.

Lexo edhe: Një tjetër nënë kritikohet përse pompoi gjirin në tualetin e aeroportit