Përpara se të gatuajmë këshillohet larja e duarve, por a e bëjmë atë në mënyrën e duhur? Sipas një studimi të fundit rezulton se pjesa dërrmuese e njerëzve para se të gatuajnë ndotin shumë gjëra të tjera në kuzhinë me anë të larjes së duarve.

Sondazhi, i kryer me 383 njerëz, ishte për të përgatitur një hamburger me sallatë në një kuzhinë ku është monitoruar çdo hap. Mishi i papërpunuar është kontaminuar me një virus të padëmshëm dhe gjysma e pjesëmarrësve kishin përgatitur një video ku shpjegonin masat kryesore që duhet të merren në kuzhinë, të tilla si larja e duarve. Rezultati: në 97.5% të rasteve njerëzit kanë bërë një gabim në larjen e  duarve dhe 80% nuk kanë fërkuar duart me sapun për të paktën 20 sekonda, një hap themelor për të hequr ndotësit nga sipërfaqet e lëkurës.

Shkurtimisht, ata filluan të merreshin me ushqimin dhe enët me duar ende të pista. Pothuajse gjysma e kampionit u kontaminua dhe 11% e la virusin në derën e frigoriferit dhe në çezmë. 5% arriti të transferojë virusin nga mishi në sallatë.

Hapat bazë

Prandaj, duart duhet të lahen para, gjatë dhe pas gatimit. Gjithmonë lani duart pasi përfundoni procesin e një përbërësi, për shembull mishin, e më pas kaloni te sallata. Duart duhen larë me sapun e ujë të rrjedhshëm.

Megjithatë, larja e duarve nuk mjafton. Nevojitet gjithashtu t’i thani mirë ato me peshqir të pastër.

Në mungesë të ujit dhe sapunit, brenda dhe jashtë shtëpisë mund të përdorni dezinfektantë për duart.

Lexo edhe: Larja e duarve ne bide eshte e rrezikshme