Lambiet, një nga parazitët që shfaqet më shpesh tek fëmijët. Cfarë duhet të dimë rreth tyre?
Cfarë janë Lambiet?
Lamblia është një infeksion që shfaqet tek zorrët e fëmijës dhe shkaktohet nga paraziti intestinal “ Giardia lamblia”. Cistet e Lambilias gjenden tek fecet e fëmijës të prekur prej saj dhe për këtë arsye mund të bëhet përhapja e infeksionit.
Cilat janë simptomat e Lamblias?
Ky infeksion manifestohet me: diarre, dhimbje dhe krampe barku, të përziera, këputje trupi, mungesë oreksi, rënie në peshë, të vjella, kruarje, njolla në lëkurë, si edhe temperaturë. Zakonisht simptomat shfaqenpas rreth 3 javë nga infektimi.
Si bëhet diagnostikimi?
Ky infeksion diagnostikohet me anën e një analize të feçes.
Si mund të parandalohet infektimi i fëmijës?
- Fëmija duhet të pijë sa më shumë ujë të pastër dhe të kontrolluar;
- Nuk duhet të pijë pije në bare të ndryshme në gotëne të cilit gjendet akull, pastërtia e të cilit është e dyshimtë;
- Higjena duhet të jetë shumë e mirë;
- Frutat dhe perimet që fëmija konsumon duhet të jenë të lara mirë;
- Fëmija duhet të mbahet larg personave që janë mbartës të këtij infeksioni.
Si bëhet trajtimi?
Trajtimi i këtij infeksioni i referohet përdorimit të medikamentit “Metronidazol” (flagyl) për rreth 5-7 ditë.
Artikuj te ngjashem:
https://www.pernenat.al/si-te-dallojme-kur-femija-ka-parazite-zorresh/
https://www.pernenat.al/askaridet-simptomat-dhe-trajtimi/
https://www.pernenat.al/parazitet-e-zorreve/
Për të lënë një koment ju duhet të jeni regjistruar Identifikohu