Disa studime të kohëve të fundit konfirmojnë rëndësinë e “shkëputjes” nga ekranet e pajisjeve elektronike, sidomos para se të shkoni në gjumë. Sipas një studimi të kryer nga Universiteti i Teknologjisë Queensland në Australi, në fakt, një në pesë gra dhe një në tetë burra flenë më pak sepse përdorin smartfonin e tyre.

Analiza me mbi 700 persona

Këto të dhëna u mblodhën nëpërmjet një pyetësori të propozuar për mbi 700 vetë për të mësuar rreth ndjenjave që lidhen me smartfonët dhe çfarë marrëdhënieje kishin me pajisjen për përdorimin e saj. Më shumë se një në dhjetë veta u ankua për rënie të produktivitetit. Në fakt, doli se 24% e grave dhe 17% e meshkujve e konsiderojnë veten “përdorues me probleme”. Përveç kësaj, 14% e grave dhe 8% e burrave përpiqen të fshehin kohën e tyre të kaluar në telefonat e tyre celularë.

Prirja në rritje

Studimi, i botuar në revistën mjekësore “Frontiers in Psychiatry”, konfirmoi një rritje të këtyre çrregullimeve krahasuar me një analizë të mëparshme në vitin 2005. Siç thonë ekspertët, “ky hulumtim tregon që smartfonët po ndikojnë gjithnjë e më shumë në funksionalitetin e përditshëm, për shkak të mungesës së gjumit dhe braktisjes së përgjegjësive”. Ndriçimi i ekranit e bën të vështirë të bini në gjumë dhe zakoni i keq i mbajtjes së telefonit edhe në shtrat e zgjat shumë kohën e zgjimit. E gjithë kjo gjithashtu rrit problemet që lidhen me përdorimin e tepërt të tij: lodhje vizuale, dhimbje të qafës, të nyjeve etj.

Rreth 8% e të anketuarve të të dy gjinive pohuan se kishin disa dhimbje ose siklet fizik për shkak të përdorimit të tepruar të smartfonit.

Lexo edhe: Rrudhosja, shkak edhe drita e telefonit