Cilat janë situatat për të cilat ju duhet të vizitoheni patjetër nga mjeku specialist para se të nisni një shtatëzani?

• Mosha juaj më e vogël se 17 vjeç apo më e madhe se 35 vjeç;
• Keni një histori familjare për keqformime gjenetike;
• Gjatësia juaj është nën 145 cm;
• Jeni të ekspozuara ndaj lëndëve kimike;
• Përdorni duhan;
• Jeni në praninë e vazhdueshme të faktorëve stresues dhe të problemeve psikologjike;
• Keni keqformime të vërtetuara të mitrës apo të qafës së mitrës;
• Keni bërë ndërhyrje të mëparshme kirurgjikale, sidomos në sferën gjenitale; • Keni lindur fëmijë të lindur të vdekur apo që kanë vdekur menjëherë pas lindjes, në shtatëzanitë e mëparshme;
• Keni pasur dy ose me shumë aborte të mëparshme spontane, apo lindje të mëparshme para kohe;
• Intervali ndërmjet lindjeve është më pak se një vit;
• Keni pasur lindje të mëparshme të fëmijëve me peshë mbi 4000 gram •
• Keni vuajtur nga tensioni i lartë gjatë shtatëzanive të mëparshme;
• Keni ngushtim të kockave të legenit, i lindur apo i fituar;
• Keni kaluar gjendje depresive pas lindjeve të mëparshme;
• Keni pasur sëmundje të diagnostikuara më parë të zemrës, tension të lartë, sëmundje të veshkave, të mushkërive, diabet, sëmundje të gjakut, të tiroides, epilepsi, sëmundje malinje të mëlçisë, përdorim droge apo alkooli;

Si edhe gjatë shtatëzanisë përsa i përket lëvizjeve të fetusit:

• Vihet re pakësimi i lëvizjeve të bebit (më pak se 12 lëvizje në 24 orë).