Kur dhe si t'i mësoj alfabetin fëmijës?

Mos u shqetësoni t’i mësoni fëmijës alfabetin në fazat kur ai sapo ka filluar të flasë fjalët e para. Në këtë fazë të jetës së fëmijës është më e rëndësishme që ju t’i lexoni, këndoni, tregoni vjersha e përralla, sesa t’i mësoni të njohë shkronjat. Kjo është përgatitja më e mirë që mund t’i bëni për të qenë gati në momentin kur do të mësojë alfabetin.

Përpiquni që teksa të lexoni, edhe të interpretoni duke ndryshuar tonet e zërit dhe ftoni edhe fëmijën t’ju bashkohet në këtë gjë. Kur të keni mbaruar së lexuari, pyeteni fëmijën se cila pjesë i pëlqeu më shumë.

Kur fëmija të jetë rreth 15 mujash përpiquni që për çdo fjalë që i lexoni t’ja ilustroni me shembuj konkret. Kudo që të shkoni shpjegojini fëmijës shenjat dhe logot.

Sa i përket shkronjave, mësojini fëmijës fillimisht të njohë emrin e tij/saj. Mund të shkruani emrin në pjesë të ndryshme të shtëpisë me shkronja të mëdha, ose të blini lodra të personalizuara me emrin e tij/saj.

Më pas, që fëmija të lidhë shkronjat me fjalët, filloni duke i dhënë shembuj për secilën fjalë. Për shembull “b si buka, m si makina”, etj.

Duke tërhequr vëmendjen e fëmijës suaj në këtë mënyrë, do ta inkurajoni t’i njohë më shpejt shkronjat. Njohja e tingujve është një hap i parë i rëndësishëm në mësimin e alfabetit.

Mbani mend se nuk ka nevojë të shtyni fëmijën tuaj të mësojë alfabetin nëse nuk duket ende i interesuar për të. Shumica e fëmijëve fillojnë mësimet e para të shkronjave rreth moshës 4 vjeç.

Lexo edhe: Pse femijes tim i pelqen te perserise fjalet?
')}