loading

Kur dhe sa shpesh duhet të shkoni tek gjinekologu?

Askujt nuk i pëlqen të shkojë tek mjeku sidomos kur ka të bëjë me problemet gjinekologjike. Por sa më shpejtë t’i përjashtoni mundësitë e këqija, aq më shpejt mund të qetësoheni.




0 0

Shumica e grave i marrin në konsideratë vizitat tek gjinekologu vetëm kur duan të ngelin shtatzënë, janë shtatzënë ose kur kanë një frikë të madhe shëndetësore për ndonjë problem. Sidoqoftë, për të qenë të sigurta dhe për të pasur një shëndet sa më të mirë, duhet të caktoni një takim nëse shfaqen ndonjë problem si më poshtë, për të cilin duhet të dyshoni pse po ndodh.

Pavarësisht nëse jeni një grua shtatzënë, një nënë me fëmijë të rritur ose një grua që  dëshiron të mbetet e shëndetshme, këto janë gjashtë situatat kur duhet të vizitoheni tek një gjinekolog:

1.Probleme me periodat. Rrjedha e gjakut mund të luhatet gjatë menstruacioneve. Mund të ketë raste kur cikli juaj zgjat vetëm tre ditë, ndërsa në raste të tjera shkon deri në gjashtë ose mbase shtatë ditë, dmth. është i çrregullt. Pra, kur duhet të vizitoni një gjinekolog? Kur rrjedhja e gjakut tuaj është shumë më pak se zakonisht ose shumë e madhe, kur është vazhdimisht e parregullt dhe kur ndjeheni të dobëta. Ka shumë arsye pse periodat tuaja nuk po ju vijnë siç duhet që nga një dietë e çekuilibruar dhe stresi deri te problemet e tiroides. Një vizitë tek gjinekologu do të qartësojë padyshim dyshimet tuaja dhe do t’ju bëjë të flini më mirë gjatë natës. Gjithashtu zonja, nëse po i afroheni menopauzës, vizitoni mjekun tuaj sa më shpesh për të kuptuar se çfarë të prisni dhe të merrni trajtim për temperaturën e nxehtë që mund të keni ose djersitjet gjatë natës.

2.Dhimbje gjatë seksit. Seksi është menduar të jetë i pëlqyeshëm, por nëse keni dhimbje kure bëni, mund të jetë një shenjë se diçka nuk po shkon në rregull. Mund të ketë mjaft arsye pse keni dhimbje gjatë seksit, duke filluar nga thatësia e deri tek fibroidet. Gjinekologu juaj mund të kryejë një test depistimi dhe të zbuloni se cili është problemi. Sa më shpejt ta vëreni atë, aq më shpejt mund të shijoni atë që për njeriun është projektuar si emocion dhe kënaqësi.

3.Dhimbje në zonën tuaj të legenit. Nëse keni dhimbje të forta në zonën tuaj të legenit, bëni një takim me mjekun tuaj për të përjashtuar endometriozën, d.m.th kur indet që supozohet të rriten brenda mitrës e bëjnë këtë jashtë. Nëse është një dhimbje e turbullt ajo që po përjetoni, mund të jetë një shenjë e një fibroze në vezore. Në të dy rastet, vizitohuni tek mjeku për të përjashtuar ndonjë gjë serioze.

4.Sekrecionet e pazakonta vaginale. Sekrecionet vaginale janë langu që mban larg bakteret dhe qelizat e vdekura. Por nëse keni sekrecione jeshile, të verdha ose gri me erë të keqe, atëherë duhet të vizitoheni tek mjeku. Mund të jetë një simptomë e një infeksioni maja që, për fat të mirë, zakonisht është i lehtë për tu trajtuar. Jini veçanërisht të kujdesshme me sekrecionet gjatë shtatzënisë pasi mund të tregojnë shumë gjëra që tek infeksioni e deri tek rrjedhja e lëngut amniotik.

5.Gjeni një gungë në gjoks. Një gungë në gjoks e vendos çdo grua në prag të një sulmi ankthi. Por përpara se të filloni të viheni në panic, qetësohuni dhe caktoni një takim. Jo të gjitha gungat janë kancerogjene – disa lindin për shkak të parregullsive hormonale dhe derisa mjeku juaj t’ju thotë të kundërtën nuk keni përse të shqetësoheni.

6.Problemet hormonale. Disa gra mund të pësojnë probleme hormonale të shkaktuara nga PCOD (Sëmundja Polikistike e vezores) ose PCOS (sindroma polycistike e vezores). Kjo ndodh kur vezoret fillojnë të prodhojnë sasi të mëdha të androgjenit, një hormon mashkullor. Me kalimin e kohës, parregullsitë hormonale mund të çojnë në infertilitet dhe kancer të rreshtimit brenda mitrës. Mjeku juaj mund të kryejë teste për të përjashtuar PCOD / PCOS ose t’ju japë ilaçe për t’ju ndihmuar të shëroheni.

Edhe nëse nuk po përjetoni ndonjë çrregullim gjinekologjik, është një praktikë e mirë nëse vizitoni rregullisht mjekun tuaj. Dëgjoni trupin tuaj dhe kushtojini vëmendjen që meriton para se të fillojë t’ju kushtojë më shumë.

Lexo edhe: 5 këshilla për të ndihmuar gratë shtatzëna të gjejnë gjinekologen e duhur

Për të lënë një koment ju duhet të jeni regjistruar Identifikohu



Materiale te ngjashme

Shëndeti i fëmijës varet edhe...

Më pak betonizim dhe më shumë gjelbërim për të jetuar shëndetshëm. Të qenit në kontakt me natyrën (pyjet, por edhe kopshtet dhe parqet) ka efekte pozitive në shëndetin e fëmijëve...

Këto 9 gabime ushqyese që...

Për shkak të gjithë dezinformimeve që gjenden në internetin, është shumë e mundur që ne mund të bëjmë gabime, si të bëjmë ushtrime të gabuara ose të hamë gjëra të...

10 shenja të hershme që...

Ju duhet të merrni sasinë e duhur të kësaj vitamine çdo ditë sepse, ndryshe nga vitaminat e tjera, vitamina C nuk qëndron në sistemin tuaj për shumë kohë. Mungesa e...

7 arsyet pse keni gjakderdhje...

Nëse ndodh vetëm njëherë ose në një rast të rrallë ndoshta nuk ka asgjë për t’u shqetësuar por nëse ndodh më shumë se njëherë është koha të lini një takim...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X