Gjatë shtatzënisë zemra është një nga organet që punon shumë më tepër dhe nëse ka pasur probleme më parë, situata mund të përkeqësohet përgjatë 9 muajve.

Ky është përfundimi që doli nga Kongresi i fundit i Kardiologjisë Evropiane i mbajtur në Munih. Më parë, një tjetër studim i kryer nga Universiteti i Arkansasit për Shkencat Mjekësore në Little Rock dhe i botuar në revistën Anesthesiology, kishte nënvizuar se si para dhe gjatë lindjes, gratë rrezikojnë të pësojnë një atak kardiak.

Studimi

Studiuesit shqyrtuan mbi 56 mijë lindje të ndodhura midis viteve 1998 dhe 2011 dhe analizuan të dhënat mjekësore të nënave dhe foshnjave për të njohur gjendjen e shëndetit të grave si gjatë shtatzanisë ashtu edhe gjatë lindjes. Qëllimi ishte vlerësimi i shfaqjes së problemeve të zemrës.

Pothuajse 5,000 raste të atakut kardiak

Nga analiza e rezultateve, doli që në kampionin e konsideruar, gjatë ose në fund të shtatzanisë ndodhën 4,843 atake kardiake. Arsyet? Në 44.7% të rasteve shkaku ishte gjakderdhja, në 13.3% një mosfunksionim i zemrës, në 13.3% një embolizëm nga lëngu amniotik, në 11.2% një infeksion gjaku. Duhet të theksohet, megjithatë, se mbijetesa është përmirësuar, nga 52% në 1998 në 60% në vitin 2011.

Shumë faktorë rreziku

Autorët konkluduan se, mesatarisht, të paktën një nga 12,000 gra vuan nga ataku kardiak gjatë shtatzanisë. Ndër faktorët e rrezikut për shëndetin e zemrës së nënave të ardhshme janë mosha e vjetër, kushtet socio-ekonomike të pafavorizuara, gjendja shëndetësore dhe komplikimet e mundshme gjatë shtatzënisë ose lindjes, si para-eklampsia.

Me pak fjalë

Nëse shfaqen probleme të zemrës gjatë shtatzanisë, nuk rrezikohet vetëm shëndeti i nënës, por edhe ai i fëmijës. Kjo është arsyeja pse, sipas ekspertëve, mjekët dhe mamitë nuk duhet të nënvlerësojnë asnjë simptomë.

Lexo edhe: Semundjet autoimune dhe shtatzania