Tashmë të gjitha femrat e dinë sa e rëndësishme është të kujdesen për lëkurën e trupit të tyre, dhe jo pa qëllim, përpiqen të zgjedhin një produkt cilësor. Shpesh dëgjojmë të flitet për krem trupi, locion trupi, gjalpë etj, por a e dimë ku qëndron ndryshimi?

Gjalpi i trupit (body butter)

Ky është më i trashë nga dy të tjerët dhe ka një ngjashmëri me gjalpin që konsumojmë në kuzhinë. Ai gjithashtu ka aromë që zgjat më shumë në trup dhe nuk përmban ujë. Gjalpi i trupit prodhohet duke përdorur acidet yndyrore dhe mineralet e kakaos, sheas, palmës, mangos etj, të cilat kombinohen me vajra të tjerë. Ai ka aftësi të hidratojë më mirë lëkurën dhe shumë dermatologë e këshillojnë për t’u pëdorur edhe në buzë, bërryla, duar, këmbë dhe gjunjë. Ai përthithet shumë mirë nga lëkura duke krijuar edhe një barrierë mbrojtëse në të.

Kremi i trupit (body cream)

Ky është një produkt më i hollë se gjalpi dhe zakonisht kanë në përbërje të njëjtët përbërës, por shtohet edhe ujë, në disa raste aloe vera, etj.

Locionet e trupit (body lotion)

Përmbajnë edhe më shumë ujë dhe për pasojë do të jenë më të trashë se kremi. Nuk do të bëjë një hidratim shumë të madh krahasuar me gjalpin apo kremin dhe më tepër mund të përdoret tek krahët, barku dhe kofshët. Janë shumë të këshillueshëm gjatë stinës së nxehtë dhe të lagësht.

Cili do të ishte produkti më i mirë për lëkurën?

Sigurisht që kjo varet nga lëkura që keni. Duke qënë se locionet dhe kremi përmbajnë shumë ujë, mund të jenë të këshillueshëm nëse keni një lëkurë jo të hidratuar mirë, por as tepër të thatë. Locionet gjithashtu mund të përdoren edhe nëse lëkura është e yndyrshme.

Gjalpi i trupit është ideali nëse keni një lëkurë delikate dhe të thatë, gjithashtu nëse jetoni në vende me klimë të thatë. Do të këshillohej të përdorej edhe në dimër duke qënë se krijojnë një shtresë mbrojtëse në lëkurë.

Cili është produkti që ju përdorni për lëkurën tuaj?

Lexo edhe:

Sekretet e femrave qe kane gjithmone arome te mire

 

Si te zbehim strijat pas lindjes?

 

')}