Kremi i diellit është menduar për të mbrojtur lëkurën, por një nënë pretendon se ka bërë të kundërtën. Sipas Rebecca Cannon, një solucion mbrojtës nga dielli shkaktoi djegie kimike tek fëmija i saj.
“Ju lutem shikoni dhe kini kujdes kur përdorni locione kundër diellit me sprucim”!- shkroi nëna në Facebook, duke ndarë një seri fotografish që tregonin djegiet në fytyrën e vajzës së saj Kyla. “Kam bërë shumë kërkime. Unë nuk e di pse nuk është hequr nga raftet e supermarketeve!”
“Në anën e pasme të shishes thuhej se ishte e sigurt për përdorim në të gjitha moshat, përveç nëse fëmija është nën moshën 6 muajshe”, shpjegoi ajo në një intervistë, duke shtuar se Kyla nuk ishte ekspozuar fare në diell.
Sipas Cannon, në kohën që ajo ka bërë postimin, po hetohehsin edhe 9 raste të ngjashme.
“Pothuajse e njëjta gjë ndodhi me djalin tim vite më parë, përveçse më keq. Ishte mbi të gjithë lëkurën e tij dhe gati vdiq,” shkroi një komentuese.
Cannon shpreson se incidenti i frikshëm i Kyla do të shërbejë si një paralajmërim për prindërit e tjerë. “Dua vetëm fjalën që prindërit të jenë të kujdesshëm në lidhje me atë që u vënë fëmijëve të tyre”, tha ajo.
Lexo edhe: A mund te perdor vaj ulliri per lekuren e bebes?
Për të lënë një koment ju duhet të jeni regjistruar Identifikohu