Një postim i fundit i ish-futbollistit me famë botërore David Beckham ka tronditur rrjetet sociale, pasi ai ka publikuar një foto duke puthur në buzë vajzën e tij 7-vjeçare. “Po vijnë Krishtlindjet! Le të shkojmë për ski”, ka shkruar ai përbri fotos.

Ndërkohë ka vërshuar një lumë komentesh negative, ku përdoruesit e rrjetit kritikojnë futbollistin për një veprim të paparshtashëm lidhur me puthjen në buzë të fëmijëve.

Puthjet në buzë

Kjo nuk është hera e parë që Beckham bëhet pjesë e diskutimeve të tilla. Ai së bashku me bashkëshorten Victoria kanë postuar vazhdimisht foto me fëmijët duke i puthur në buzë. Më herët, ai ka bërë një sqarim publik ku ka thënë se kjo është një formë për t’i treguar dashuri fëmijëve dhe se kështu është rritur edhe ai edhe Victoria, e tani kështu po rrisin fëmijët e tyre.

Ndërsa për rastin më të fundit, ish-futbollisti ende nuk ka reaguar. Megjithatë ka pasur edhe shumë fansa që e kanë mbështetur me komentet e tyre.

Lexo edhe: E ema puth femijen 3 muajsh ne buze, ai rrezikon te vdese