Ka qënë kjo pyetja e vendosur në sondazh disa jave më parë në portalin pernenat.al në të cilin kanë marrë pjesë 258 votues, ndër të cilët 54% kanë votuar se janë pro frekuentimit të kopshtit privat, dhe 46% pro frekuentimit të kopshtit shtetëror. Kjo temë dhe ky sondazh është diskutuar më pas në “Koha të Bisedojmë” ditën e enjte ku nënat kanë shprehur edhe arsyet e tyre.
Përse preferoj kopshtin privat?
- Kopsht privat patjetër, pasi kushtet janë më të mira dhe kujdesi është më i madh. Nga ana tjetër në privat mund të zgjedhësh atë që i përshtatet kërkesave të tua, mund të zgjedhësh atë kopsht qe mendon se e orienton më mirë fëmijën tënd drejt mënyrës më të mirë të edukimit.
- Une e dërgoj fëmijën në privat, por nuk jam kundër shtetërorit. E kam zgjedhur privatin pasi mendoj se në Shqipëri kushtet lënë shumë për të dëshiruar dhe menjëherë mendja me shkoi tek privati. Mendoj se atje fëmija ësht më i sigurt, ka më shumë rregull dhe mësohet me një frymë tjetër. Ky është thjesht mendimi im!
- Kam zgjedhur kopsht privat por mendoj se kjo gjë përcaktohet duke u nisur nga edukatorja. Nga ana tjetër mendoj se edhe ambientet në privat janë më të mira.
- Kam zgjedhur privatin pasi shteti nuk kishte vende, dhe mbi të gjitha kishte shumë fëmijë në ngarkim të një edukatore të vetme.
- I dërgoj fëmijët e mi në privat pasi mendoj se edukatorja ju kushton më shumë rëndësi në të mësuar, në të ushqyer, ka ambient shumë të pastër dhe shumë të ngrohtë (flas gjithmonë për kopshtin që kam zgjedhur unë), kanë gatim shumë të mirë, etj.
Përse kam zgjedhur kopshtin shtetëror?
- E dërgoj fëmijën tim në shtet dhe mendoj se kjo është zgjedhja më e mirë që mund të bëja. Ushqimi është më i kontrolluar, më i freskët, fëmijët nuk llastohen, ka ngrohje. I kam provuar të dyja dhe mendoj se kopshti shtetëror është më i mirë.
- Mendoj se kopshti shtetëror është më i mirë pasi energjia elektrike nuk kursehet dhe për pasojë ambient do të jetë më i ngrohtë. Nga ana tjetër ushqimi është më i kontrolluar dhe pastërtia në gatim shumë e madhe.
- Unë vajzën time e kam në shtet dhe besoj se diferencën e bëjnë edukatoret. Jam shumë e kënaqur me shtetërorin.
Zgjedhja është tepër individuale!
Pra varet nga mundësia e familjes, nga ajo që struktura shtetërore apo private ofron, nga nevojat e fëmijës etj. Në jo pak raste prindërit zgjedhin kopshtin privat pasi struktura që përfshin vendbanimin e tyre nuk i plotëson kërkesat që ata kanë. Në të tjera raste prindërit zgjedhin një kopsht privat duke qënë se fëmija ka një nevojë të caktuar që kopshti shtetëror nuk ja plotëson dot dhe ka shumë raste kur prindërit duan ta dërgojnë fëmijën në kopsht privat por nuk kanë mundësinë ekonomike ta bëjnë këtë, etj.
Pra nuk mund të përcaktojmë në mënyrë absolute nëse kopshti privat apo shtetëror është më i mirë se tjetri. Ato që e bëjnë diferencën janë kërkesat e familjes, nevojat e fëmijës, cilësitë e kopshtit në fjalë dhe nuk mund të pretendojmë që dy struktura të ndryshme të kenë të njëjtën formë organizmi. Prandaj është tepër relative kur flasim për kopshtin “e mirë” dhe kopshtin “e keq!”
Nga nënat pernenat
Lexoni edhe: Sipas nje studimi, mesimi ne kopshte eshte i ekzagjeruar
')}
Për të lënë një koment ju duhet të jeni regjistruar Identifikohu