Gjatë vizitave mjekësore duhet të kujdeseni që mjeku pediatër t’i kryejë fëmijës tuaj kontrollet e mëposhtme.
Në vitin e dytë të jetës së fëmijës ai duhet të:
• peshojë dhe gjatësinë e fëmijës tuaj për t’u siguruar se po rritet i shëndetshëm;
•kontrollojë kalendarin e vaksinimit, nëse është bërë vaksina e difterisë /tetanozit/ kollës së mirë (DTP), poliomielitit, vaksina e fruthit/rubeolës;
• kontrollojë për probleme që shqetësojnë shëndetin në këtë moshë dhe që ai mund të vërejë si: infeksione të veshit, ftohje, grip, që janë të shpeshta, veçanërisht për ata fëmijë që rrinë në grupe, në çerdhe ose bashkë me shumë fëmijë të tjerë;
• përgjigjet ndaj pyetjeve që mund të keni, për ta mësuar fëmijën të arrijë kontrollin e jashtëqitjes dhe urinimit, për disiplinimin e fëmijës, etj;
• shikojë zhvillimin e sjelljes dhe temperamentin e fëmijës suaj;
• kontrollojë shikimin dhe dëgjimin e fëmijës suaj.
Pyetjet që mund t`ju bëjë mjeku:
• Si është gjumi i fëmijës tuaj? Në këtë moshë shumë fëmijë flenë afërsisht 11 orë natën dhe rreth dy orë në mesditë.
• Cilat janë zakonet e tij të ushqyerit? Çfarë i pëlqen të hajë më shumë, sasinë e lëngjeve që pi në ditë etj.
• Si po ecën vetëkontrolli i jashtëqitjes dhe urinimit tek fëmija juaj? A ka arritur fëmija të kontrollojë jashtëqitjen dhe urinimin? Në këtë moshë shumë fëmijë kanë filluar ta mësojnë, por ka edhe shumë të tjerë që ende nuk e bëjnë këtë gjë.
• A keni vënë re diçka të pazakontë në mënyrën se si ecën fëmija juaj? Mjaft fëmijë në këtë moshë mund të ecin me gjunjë të përkulur, sepse këmbët e tyre ende janë duke u zhvilluar, por ky problem zgjidhet vetë rreth moshës 7 vjeç.
• Çfarë fjalësh të reja ka mësuar? Shumë fëmijë kanë zbuluar në këtë moshë fjalën “PSE?”.

Lexoni me shume: Ushqyerja e femijes 12-24 muajsh