Lajm i mirë për adhuruesit e kafesë, madje edhe kundër melanomës. Ne tashmë e dimë se kafja mund të ofrojë përfitime të shumta për mirëqenien tonë, por ajo gjithashtu duket se ka një efekt mbrojtës kundër rritjes së qelizave të melanomës. Kjo del nga një studim i Institutit të Lartë të Shëndetit dhe botuar në revistën shkencore “Molecules”.

Studimi italian

Studiuesit zbuluan se një nga substancat që përmbahet në kafe, përkatësisht kafeina mund të ndihmojë në reduktimin e rrezikut të rritjes së qelizave të melanomës, një kancer i lëkurës që mund të jetë shumë agresiv.

Autorët e studimit gjithashtu zbuluan se kjo substancë mund të zvogëlojë zhvillimin e qelizave përgjegjëse për rikthimet e kësaj sëmundjeje.

Roli i dobishëm i një proteine

Studiuesit hetuan mekanizmat që qëndrojnë në themel të efektit mbrojtës të kafeinës dhe e bënë këtë përmes testeve in vitro, përmes të cilave zbuluan se një proteinë e veçantë luan një rol vendimtar.

Dr. Francesco Facchiano, koordinator i studimit të kryer në Departamentin e Onkologjisë dhe Mjekësisë Molekulare të ISS, shpjegon: “Ne kemi identifikuar një proteinë që luan një rol themelor në këtë veprim të dobishëm të kafeinës, përkatësisht enzimën tyrosinase e cila, siç dihet, ka një funksion kyç në sintezën e melaninës dhe a cila do të kryente një veprim mbrojtës kundër efekteve të dëmtimit të gjeneruar nga rrezet UV dhe një funksion të rëndësishëm imunomodulues. Në fakt, melanina e prodhuar nga qelizat e melanomës njerëzore të ekspozuar ndaj kafeinës ishte dukshëm më e lartë”.

Mos e teproni

Kujdes nga konsumimi i tepërt i kafesë: nëse është e vërtetë që pija mund të ketë efekte të dobishme në shëndet dhe të përmirësojë aktivitetin psikomotorik, gjendjen shpirtërore dhe rezistencën ndaj lodhjes, është po aq e vërtetë që abuzimi mund të shkaktojë takikardi, hipertension dhe aritmi, pagjumësi dhe probleme psikologjike.