Kolla te bebet dhe fëmijët e vegjël

0 1

Kur ju keni kollë ose ftohje, mund të merrni ilaçe për të lehtësuar simptomat. Por ju nuk mund ta bëni këtë për foshnjat apo fëmijët e vegjël. Ilaçet që janë të sigurta për të rriturit, mund të kenë pasoja serioze për jetën te fëmijët nën moshën 2 vjeçare.

Nëse foshnja juaj ka kollë, provoni këto metoda. Janë të gjitha pa ilaçe dhe të sigurta për pacientët më të vegjël:

Provoni kripërat me pika në hundë

Kur hunda e fëmijës suaj është e bllokuar, fëmija mund të ketë probleme me frymëmarrjen, gjumin dhe ushqimin. Disa pika të këtij produkti që e gjeni në farmaci mund të hollojnë mukozën në hundë. Përdorini ato dy ose tri herë në ditë; më shpesh mund të lëndojnë hundën.

Shtoni lëngjet

Kur fëmija juaj nuk ndihet mirë, jepni të pijë më shumë se zakonisht. Lëngjet shtesë mund të hollojnë mukozën kështu që hunda nuk do të jetë aq e bllokuar.

Shumica e pijeve, si uji, lëngu dhe qumështi, janë të mira. Lëngje të ngrohta si supë pule, musht molle, ose çokollatë të nxehtë mund të zbusin dhimbjen e fytit. Sigurohuni që të jenë të ngrohta, jo të nxehta, për të shmangur djegien.

Bebet nën 6 muaj duhet të pijnë vetëm qumështin e gjirit ose formulën, jo ujë ose lëng. Por mund të ofroni më shumë qumësht se zakonisht për kollitjet ose ftohjet.

Jepini pak mjaltë

Ndihmon fytin e lënduar dhe lehtëson kollitet. Mund të japë më shumë efekt se ilaçet. Nëse fëmija i ka mbushur 1 vjeç, jepini gjysmë luge para gjumit, por kurrë para kësaj moshe.

Ngrini kokën e foshnjës

A keni fjetur ndonjëherë me jastëkë shtesë kur keni pasur hundë të bllokuara, për të marrë frymë më lehtë? Ky truk funskionon edhe për foshnjat. Thjesht vendosni një jastëk ose peshqir të palosur për të krijuar njëkënd nën kokën e fëmijës. Kjo do t’i ndihmojë të marrin frymë.

Merrni masa për lagështinë në ajër

Lagështia në ajër e bën më të lehtë frymëmarrjen, kështu që tregoni kudjes të mos e thani shumë ajrin.

Shërbeni ushqime të lehta për t’u gëlltitur

Foshnjat me probleme me fytin nuk duan të hanë, sepse ndiejnë dhimbje gjatë gëlltitjes. Për këtë arsye jepini ushqime që kapërcehen lehtë.

Bebet që sapo kanë filluar ushqimet e ngurta duan gjëra sa më të buta.

Nëse asgjë nuk funksionon duhet të shkoni te mjeku.

Lexo edhe: Kolla dhe infeksionet e rrugeve te frymemarrjes






Për të lënë një koment ju duhet të jeni regjistruar Identifikohu



Materiale te ngjashme

Kur ke një fëmijë në...

Nëse ti ke një fëmijë Ujor, ja cfarë duhet të dish..: UJORI (21 janar - 19 shkurt) Ky fëmijë do të jetë gjithmonë origjinal. Ai është një novator i lindur...

Emra mysliman per bebe

Tradicionalisht në komunitetin mysliman, foshnjave u vihet një emër në ditën e shtatë pas lindjes. Kuptimi i emrit është shumë i rëndësishëm. Myslimanët favorizojnë emrat që janë të virtytshëm dhe...

Qumështi i gjirit ndihmon zemrën...

Dihet prej kohësh që qumështi i gjirit është ushqimi më i mirë për të porsalindurin dhe për fëmijën deri në një vit e më tej, nëse është e mundur. Në...

A duhet të trajtohen dhëmbët...

Të mendosh se dhëmbët e qumështit, si të përkohshëm, nuk duhen mbrojtur është gabim. Jo vetëm që duhen larë me kujdes, por duhet pasur kujdes edhe në rast problemesh. Përndryshe...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X