Kolesteroli: një e pesta e pacientëve me rrezik të lartë nuk kurohen

0 0

Sa më i ulët kolesteroli, aq më mirë pwr shwndetin. Për Shoqërinë Evropiane të Kardiologjisë është ky rregull i thjeshtë që duhet të udhëheqë menaxhimin e kolesterolit LDL te pacientët me rrezik të lartë kardiovaskular.

Sidoqoftë, pothuajse 2 nga 10 pacientë me rrezik të lartë kardiovaskular nuk marrin ndonjë terapi të aftë për të ribalancuar strukturën e yndyrave në gjak. Këto janë të dhënat e para nga Santorini, një studim i paraqitur gjatë kongresit të Shoqërisë Evropiane të Kardiologjisë (Esc).

Studim multidisiplinar

Santorini është studimi i parë vëzhgues evropian i kryer pas publikimit të udhëzimeve ESC / EAS 2019 mbi menaxhimin e sëmundjes së dislipidemisë, i krijuar me qëllim të vlerësimit të menaxhimit të pacientëve me rrezik të lartë dhe shumë të lartë kardiovaskular, që kërkojnë terapi për uljen e lipideve (LLT). Ky është një studim shumëkombësh i hartuar për të dokumentuar, në praktikën e përditshme klinike, sesi përdoren opsionet aktuale të trajtimit për të menaxhuar nivelet e kolesterolit në pacientët me rrezik të lartë dhe shumë të lartë.

Nevojitet përdorim më intensiv i kurws

Hulumtimi përfshiu 9,606 pacientë: 18,6% e atyre që kishin një rrezik të lartë dhe shumë të lartë kardiovaskular nuk morën asnjë terapi për uljen e lipideve (LLT). 54.1%, nga ana tjetër, ndoqën një monoterapi, dhe trajtimet “në kombinim” të disa përbërësve aktivë u përdorën në vetëm 27.3% të pacientëve.

Meqenëse 80% e pacientëve hiperkolesterolemikë nuk arrijnë objektivat e “kolesterolit shumë të keq” (C-Ldl) të rekomanduar nga udhëzimet (pavarësisht marrjes së terapive për uljen e lipideve), rezultatet e kërkimit, sipas studiuesve, përsërisin nevojën për përdorim më intensiv të kujdesit tw përgjithshëm shëndetësor.

Vlera e kolesterolit total, i cili përfshin LDL të quajtur “i keq” dhe HDL i quajtur “i mirë”, është 190. Shtesat, në varësi të gjendjes shëndetësore, vetëm për kolesterolin e keq, LDL, variojnë nga 160 në 70.






Për të lënë një koment ju duhet të jeni regjistruar Identifikohu



Materiale te ngjashme

Variantet e reja të Covid...

Së fundmi po qarkullon një version i ri me mutacion të rëndë të koronavirusit që shkencëtarët thonë se është "shqetësues i madh". Një nga pyetjet më të ngutshme është a...

HPV shkaktarët kryesorë të kancerit...

Mënyra më e mirë për të shmangur marrjen e ndonjë SST është të mos bëni seks fare. Nëse jeni duke bërë seks, marrja e vaksinës HPV, përdorimi i prezervativëve dhe...

Si ka ndikuar Covid 19...

Edhe buzëqeshjet janë në rrezik për shkak të pandemisë. Mbi 18 muaj luftë me Covid-19 kanë pasur një ndikim të fortë negativ në shëndetin e qytetarëve, të cilët kanë neglizhuar...

Dëmet nga smogu në 1000...

Fimp (Federata Italiane e Mjekëve të Pediatrisë), në bashkëpunim me Sin (Shoqërinë Italiane të Neonatologjisë) dhe Sip (Shoqëria Italiane e Pediatrisë) paralajmëron autoritetet për rreziqet që lidhen me dëmtimin e...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X