Duke u nisur nga shtimi i rasteve të fëmijëve të sëmurë në këto ditë të nxehta vere, po ju japim disa këshilla të përgjithshme rreth kujdesit të fëmijëve në këtë periudhë. Në një intervistë për pernenat, pediatrja Sonila Biba rendit çështjet kryesore ku duhet të përqëndrohen prindërit dhe çfarë duhet të kenë parasysh për t’i mbrojhtur sa më shumë fëmijët nga virozat, temepraturat e gjithçka tjetër ndaj të cilës janë të ekspozuar në stinën e verës.

Duhet pasur parasysh se ndryshojnë problemet tek të porsalindurit, tek fëmijët, tek ata në moshën parashkollore dhe për adoleshentët.

Por përgjithësisht kryesore është mbajtja në ambiente të freskëta. Ka shumë këndvështrime për kondicionerin. Ka prindër që pretendojnë se kondicioneri mund të shkaktojë ftohje.

Në qoftë se temperaturat janë gjithë kohën të larta, siç kanë qenë këtë periudhë dhe e lini fëmijën në tempertura të larta, atij mund t’i rritet temperatura e trupit. Kështu që kondicioneri rekomandohet, por vetëm duhet patur kujdes me higjienën, pastrimin e filtrave.

E dyta, veshja e fëmijës është shumë me rëndësi. Fëmijët duhet të vishen sa më lehtë të jetë e mundur. Duhet hequr dorë nga veshja me rroba të trasha sepse i djersisim fëmijët më shumë se ç’duhet.

Hidratimi i fëmijës ka shumë rëndësi, konsumimi i ujit dhe i lëngjeve, por jo në mënyrë të dhunshme, në sensin që t’ja japim se s’bën duke e ndjekur nga pas. Në varësi të moshës, fëmija ka edhe dozazhin e caktuar të kërkesës së ujit, por gjithsesi duhet lënë përgjithësisht në dëshirë të fëmijëve.

Kujdesi në periudhën e plazhit, mos t’i lëmë me orë të tëra në ajrin e nxehtë, qëndrimi duhet të jetë me orare të redukturara gjithmonë në varësi të moshës së fëmijës, përdorimi i kremrave mbrojtës me SPF 25-50 gjithmonë.

Ushqyerja me supëra dhe gjëra të lëngshme dhe higjiena do shumë kujdes, sepse gjatë periudhës së verës shtohen shumë infeksionet e lëkurës, kështu që do shumë kujdes higjiena vetjake, përdorimi i peshqirit, të mos kalojë nga një fëmijë tek një tjetër, ose nga peshqiri i të rriturit tek një fëmijë sepse i rrituri mund të ketë problematika dhe mund t’ja transmetojë në këtë mënyrë edhe fëmijës.

Duhet kujdes në larjen e duarve sa më shepsh sepse në këtë periudhë përpos sëmundjeve të lëkurës hasim edhe raste të infeksioneve parazitore. Edhe parazitët transmetohen në mënyrë fekale, orale. Transmetimi bëhet direkt nga duar të kontaminuara me dheun e pistë, me lodrat e pista, kështu që duhet shumë kujdes në këtë drejtim.

')}