Mund të ndodhë që të keni temperaturë, pasi edhe nëse jeni nënë mbi të gjitha jeni qënie njerëzore që edhe ju mund të prekeni nga gripi dhe të keni nevojë për kujdes dhe qetësi. Pra nuk duhet ta konsideroni veten gjithmonë si një figurë në shërbim të plotë të fëmijës dhe familjes, dhe nëse keni nevojë për pak qetësi duhet të kërkoni ndihmë!
Nëse nuk ndiheni mirë dhe keni temperaturë:
- Kërkoni ndihmë nga dikush në mënyrë që të kujdeset për fëmijën dhe nëse nuk e keni një gjyshe, mama, vjehërr apo dikë tjetër që mund të kujdeset për fëmijën tuaj mund të kërkoni ndihmë nga një mikja juaj apo të punësoni për disa ditë një dado. E rëndësishme është të merrni kohën e duhur për të pushuar dhe rikuperuar.
- Nëse e ndieni veten në fillimet e një viroze do të ishte mirë të fillonit të përgatisnit disa vakte të cilat mund të ruhen në ngrirje. Ato mund të përdoren nëse ju në një moment do të ndiheni më keq dhe nuk do të keni aspak dëshirë dhe mundësi të gatuani.
- I kërkoni ndihmë edhe partnerit tuaj në lidhje me punët e shtëpisë. Ai mund të mësojë nga ju si vendosen rrobat në lavatriçe, të lajë fëmijën, ta ushqejë, të shkojë të bëjë pazarin. Pra të marrë një rol më tepër gjithëpërfshirës në shtëpi gjatë ditëve që ju jeni sëmurë.
- Nuk duhet të lejoni veten të përfshiheni nga paniku nëse shtëpia juaj nuk është në gjendjen e saj më të mirë. Asgjë e keqe nuk do të vijë nëse ajo nuk pastrohet me imtësi për disa ditë. Edhe nëse nuk mundeni të shoqëroni fëmijën në kurs gjatë pasdites nuk duhet ta konsideroni si fundin e botës.
- Nëse jeni në fillimet e një viroze, duhet të sistemoni të gjithë dokumentat që ndodhen në tavolinën tuaj të punës në mënyrë që dikush ta kryejë me lehtësi punën tuaj ndërsa ju zëvendëson.
- Merrni disa filma të përshtatshëm për fëmijët në mënyrë që ata të jenë disi më të zënë me diçka dhe të mos kërkojnë vazhdimisht vëmendjen tuaj pasi kanë ardhur nga shkolla apo kopështi dhe kanë përfunduar detyrat e tyre.
- Nëse fëmijët janë të mëdhenj në moshë është koha të provojnë të përgatisin edhe vetë bukën e tyre.
- Nëse ushqeni me gji mund tëv vazhdoni ta bëni pa problem mjafton të vendosni diçka në gojë për të mbrojtur fëmijën (një maskë që e gjeni në farmaci).
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu