Tek gjumi ndikon që nga ajo që vishni dhe deri tek lloji i dyshekut. Gjumi ndikon në humor, por edhe në pamjen fizike.
Sa shpesh zgjoheni në mëngjes me ndjenjën që nuk keni fjetur mjaftueshëm?
Shkaqet mund të jenë të shumta.
A është e mundur të transformohet dhoma e gjumit në një “tempull të relaksimit”?
Përgjigja është po!
Zgjidhni ngjyrat e duhura
Ngjyrat e dhomës suaj ndikojnë në gjumë. Ngjyrat pastel në hije të kaltër, blu dhe të gjelbër, janë perfekte për gjumin. Absolutisht nuk rekomandohet ngjyra e kuqe, e verdhë.
Jo TV në dhomën e gjumit
Televizori, telefonat celularë, kompjuterët dhe tabletat duhet të lihen jashtë dhomës së gjumit. Përdorimi i pajisjeve elektronike para se të flini gjumë nuk rekomandohen.
Zgjidhni mobilie esenciale
Mjedisi në të cilin flini duhet të jetë relaksues. Dhomat e mbushura me mobilie, piktura dhe orendi të mbytin. Është mirë të zgjidhni një shtrat me linja të thjeshta dhe të përbërë me materiale natyrore.
Dritat të buta dhe të ngrohta
Për dhomën e gjumit është thelbësore të zgjedhësh dritën e duhur: dritat e ngrohta që ngjajnë me ngjyrat e perëndimit të diellit dhe ndërkohë kujtojnë trurin që është ora e pushimit.
Flini në dyshekun e duhur
Zgjedhja e duhur e dyshekut është tepër e rëndësishme dhe thelbësore për shëndetin. Dysheku duhet të jetë i përshtatshëm për të gjitha lëvizjet e natës dhe i duhur për shtyllën kurrizore.
Zgjidhni jastëkun që i përshtatet më mirë kokës suaj
Zgjedhja e jastëkut të duhur është thelbësore për një gjumë të mirë. Jastëku ideal mund të zgjidhet bazuar në pozicionin që preferoni gjatë gjumit. Jastëku i fortë është i përkryer për ata që flenë në një anë. Gjysëm i fortë për ata që flenë permbys dhe i butë për ata që flenë në një pozicion drejt.
Lexo edhe: 5 perfitimet nga gjumi
Sorry, there are no polls available at the moment.')}
Për të lënë një koment ju duhet të jeni regjistruar Identifikohu