Këngëtari i shumë hiteve botërore Ed Sheeran, u bë baba për herë të parë para 10 muajsh. Bashkëshortja e tij solli në jetë një vajzë, për të cilën zgjodhën emrin e veçantë Lyra Antartica. Ky emër ishte një zgjedhje që i befasoi të gjithë.

Së fundmi artisti ka folur publikisht në media për përjetimet e tij si baba dhe ka shpjeguar kuptimin e emrit të vajzës.

“Kam kuptuar që për disa njerëz ky emër është i çuditshëm. Por gruaja ime quhet Cherry dhe mendoj se ajo është Cherry i vetëm që kam njohur në jetën time dhe doja që t’i vendosja asaj një emër unik

Dhe ne shkuam në Antartikë kur mbaru turneu im, sepse ishte gjithmonë në listën tonë. Shkuam atje në fund të 2019-s  dhe ishte vendi më i mrekullueshëm në tokë.

Ideja ishte se ne po prisnim që të kishim fëmijë, por thamë që duhet të shkojmë një herë në Antartikë para se të bëhemi me fëmijë, sepse nuk mund t’i marrim të vegjlit atje, kështu që do e marrim me vete vajzën kur të rritet”, ka treguar Ed Sheeran.