Ka një arsye që kemi këtë imazh të një nëne të re që përfshin një këmishë të njollosur dhe flokë të palarë të kapur në mënyrë çrregullt: mëmësia në fazat e para nuk ju lë më shumë kohë për tu pastruar. Për një nënë të një të porsalinduri, ndonjëherë edhe një dush i shpejtë është një arritje e madhe.

Dhe dukt se rrëfimi i fundit i Katy Perryt është një e vërtetë universale e të qenit nënë e re, pa marrë parasysh sa e pasur ose e famshme mund të jesh.

Gjykatësi i American Idol mirëpriti vajzën Daisy me Orlando Bloom në gusht. Tani ajo po tregohet shumë reale për mënyrat se si mëmësia ka ndryshuar rutinën e saj të kujdesit personal. Rrëfimi i Perryt erdhi në episodin e fundit të Idol pasi një prej konkurenteve mahniti jurinë me performancën e saj.

“Zëri juaj është një përvojë shpirtërore”, i tha Perry konkurentes. “Është i një bote tjetër, engjëllore. Si nënë e re nuk kam shumë kohë, kështu që nuk kam depiluar këmbët. Por kur këndove, mu ngritën qimet e këmbëve. M’u drodh gjithë trupi.  Ishe e mahnitshme “.

Sigurisht, kjo nuk do të thotë që çdo mama duhet të heqë dorë nga ritualet e saj të pastrimit. Nëse ia dilni, forca! Por nëse nuk mund të vazhdoni me rutinat tuaja të zakonshme? Epo, nuk ka asgjë të keqe dhe sigurisht që nuk jeni vetëm.

Edhe personazhet e famshme që ju i adhuroni nga ekrani, në këtë pikë janë si ju.