Karantinimi ka zvogëluar aktivitetin fizik, rrezik për shëndetin

0 0

Karantinimi për shkak të koronavirusit kishte pasoja negative në stilin e jetës së njerëzve, në veçanti në prirjen për të lëvizur dhe rritjen e stilit të jetesës së ulur. Në fakt, që nga shpërthimi i pandemisë Covid-19, numri i atyre që ushtrojnë aktivitet fizik është zvogëluar. Këto ndryshime në zakonet dhe jetën praktike rrezikojnë të ndikojnë seriozisht në gjendjen e përgjithshme të shëndetit.

Gati 6 mijë njerëz janë analizuar

Hulumtimi përfshiu 5.800 persona mbi moshën 20 vjeç. Të gjithë u ftuan të plotësojnë një pyetësor mbi shëndetin e tyre dhe llojin e aktivitetit fizik që kanë praktikuar para, gjatë dhe pas shpërthimit të pandemisë. Qëllimi? Të kuptuarit nëse Covid-19 po ndikon gjithashtu në stilin e jetës së njerëzve dhe zakonin e tyre të lëvizjes ose stilin e jetës së ulur.

Ata që janë më të rrezikuar janë sedentarët

Nga analiza e rezultateve, rezultoi se për shumë njerëz, nuk kishtë shumë ndryshime para dhe pas karantinimit: 60% e të intervistuarve, në të vërtetë, vazhduan të praktikojnë të njëjtin lloj aktiviteti fizik, me të njëjtin intensitet, edhe pas fazave thelbësore të urgjencës. Sidoqoftë, për 25% të pjesëmarrësve, pandemia Covid-19 po çon gjithashtu në një ulje drastike të zakonit të lëvizjes me një rritje të stilit të jetës sedentare. Fatkeqësisht, ky grup i dytë është i përbërë kryesisht nga persona, të cilët nga ana tjetër do të përfitonin shumë nga sportet dhe të cilët rrezikojnë më shumë të kenë komplikime nëse marrin Covid. Bëhet fjalë për persona me sëmundje kronike dhe të rrezikshme, të tilla si mbipesha, hipertensioni dhe depresioni.

Rreziqet janë të shumta

Problemi është se nivelet e ulëta të aktivitetit fizik janë shumë të rrezikshme. Rreziku është që të fillojë një rreth vicioz i rrezikshëm. “Nivelet e ulëta të aktivitetit fizik i ekspozojnë të rriturit ndaj një rreziku më të madh të sëmundjeve kronike si obeziteti, sëmundjet kardiovaskulare dhe goditja në tru, të cilat janë gjithashtu faktorë potencialë të rrezikut për komplikime më serioze në rastet e Covid-19”, shpjeguan autorët e studimit. Për këtë arsye, është thelbësore të inkurajoni njerëzit të lëvizin sa më shumë që të jetë e mundur: efektet e pasivitetit mund të jenë shumë të dëmshme.

Lexo edhe: Sa aktivitet fizik zhvillojnë fëmijët në ditët e sotme dhe si ndikon në zhvillimin e inteligjencës?






Për të lënë një koment ju duhet të jeni regjistruar Identifikohu



Materiale te ngjashme

Kolesteroli: një e pesta e...

Sa më i ulët kolesteroli, aq më mirë pwr shwndetin. Për Shoqërinë Evropiane të Kardiologjisë është ky rregull i thjeshtë që duhet të udhëheqë menaxhimin e kolesterolit LDL te pacientët...

Ngritja në këmbë çdo gjysmë...

Sekreti i të ndjerit mirë? "Thyeni" rregullisht mënyrën e jetesës së qëndrimit ulur dhe ngrihuni çdo gjysmë ore nga karrigia juaj. Pavarësisht nëse jeni në punë ose në kohën tuaj...

Kohëzgjatja e Covid 19 varet...

Sipas një studimi të botuar në Journal of Thrombosis and Haemostasis nga ekspertë të Universitetit RCSI të Mjekësisë dhe Shkencave Shëndetësore në Irlandë, përqendrimet në gjak të molekulave të përfshira...

5 këshilla për të kaluar...

Kanë kaluar tetëmbëdhjetë vjet që kur jam trajtuar për kancerin e gjirit. Duke shikuar pas, gjërat që më ndihmuan atëherë më kanë shërbyer deri në momentin që flas. Unë nuk...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X