Tremujori i parë – Nga fillimi i shtatëzanisë deri në javën e 12 të shtatëzanisë: Vizita e parë duhet të kryhet sa më herët që dyshohet shtatëzania, deri në javën e 10 të shtatëzanisë. Vlerësohet: shtatëzania dhe shëndeti i nënës; bëhet matja e gjatësisë, peshës dhe përcaktimi i indeksit të masës trupore; matja e tensionit të gjakut; analiza e urinës së thjeshtë; urokultura; analiza për grupin e gjakut; faktori Rhezus; analiza për anemi; analiza e glicemisë (sheqeri në gjak); analiza për disa viruse, si hepatiti B, Rubeola etj; ekzaminimi me ekografi për të përcaktuar moshën e shtatzënisë; ekzaminimi për sindromën Doën.
Tremujori i dytë – Nga java e 12 deri në javën e 28 të shtatëzanisë: Gjatë këtij tremujori të shtatëzanisë duhet të kryhen vizita: në javën e 10 – 16; në javën 18 – 20; në javën e 25. Shqyrtohen analizat e dhëna dhe bëhet vlerësimi i: peshës; matja e tensionit të gjakut; analiza e urinës; analiza e gjakut komplet, për anemi dhe antitrupa; analizat e glicemisë (sheqeri në gjak), azotemisë, kreatinemisë, uricemisë, fibrinogjenit, hekurit TORCH, HbsAg; ekzaminimi me ekografi për të përcaktuar anomali; zhvillimin e fetusit apo numrin e tyre.
Tremujori i tretë – Nga java e 28 e shtatzënisë deri në javën e 40 të shtatzënisë: Gjatë këtij tremujori të shtatëzanisë duhet të kryhen vizita: në javën e 28; në javën e 31; në javën e 34; në javën e 36; në javën e 38; në javën e 40. Shqyrtohen analizat e dhëna dhe bëhet vlerësimi: matja e peshës; matja e tensionit të gjakut; analiza e urinës; analiza e gjakut komplet, për anemi dhe antitrupa; analizat e glicemisë (sheqeri në gjak), azotemisë, kreatinemisë, uricemisë, fibrinogjenit, hekurit TORCH, HbsAg; ekzaminimi me ekografi për të përcaktuar anomali, zhvillimin e fetusit apo për të vlerësuar pjekurinë e placentës.
Lexoni dhe: Ekot që duhet të bëhen gjatë muajve të shatzanisë
Për të lënë një koment ju duhet të jeni regjistruar Identifikohu