Jetoni në mes të natyrës, merrni ajër të pastër dhe bëni shëtitje të gjata. Ky duket se është çelësi i jetëgjatësisë. Kjo është zbuluar nga një studim i kryer nga Caoimhe Twohig-Bennett dhe Andy Jones, dy shkencëtarë nga një universitet në Angli, ku rezultoi se njerëzit të cilët rregullisht marrin pjesë ose jetojnë në afërsi të hapësirave të gjelbra kanë më pak gjasa për t’u sëmurur në krahasim me ata që banojnë në qendrat urbane. Kjo mënyrë jetese, në veçanti, zvogëlon rrezikun e diabetit të tipit II, sëmundjet kardiovaskulare, lindje të parakohshme, hipertension dhe vdekje të parakohshme.
290 milion njerëz të përfshirë
Studimi, i cili përbëhej nga më shumë se 290 milion njerëz në 20 vende, duke përfshirë Britaninë e Madhe, SHBA, Spanjën, Francën, Gjermaninë, Australinë dhe Japoninë, thotë se qëndrimi në natyrë rrit shanset për të bërë lëvizje, për t’u socializuar, për të qenë në kontakt me mikroorganizma që stimulojnë aktivizimin e sistemit imunitar.
Dr Twohig-Bennett thekson: “ndoshta ata që jetojnë pranë hapësirave të gjelbra kanë më shumë mundësi për të ushtruar aktivitet fizik dhe për t’u shoqëruar. Përveç kësaj, ekspozimi ndaj një varieteti të ndryshëm bakteresh të gjetur në zonat natyrore mund të rezultojë në përfitime për sistemin imunitar dhe zvogëlimin e inflamacionit”.
Banjo dielli në pyll
Shumë hulumtime të kryera në Japoni sugjerojnë se fintocidi i lëshuar nga pemët, mund të shpjegojë përfitimet e një banjo dielli në pyll, një terapi shumë të popullarizuara në Japoni, ku njerëzit kalojnë kohë të ulur, shtrirë apo duke ecur në mes të pemëve, për të përmirësuar shëndetin “.
Ta dini!
Ekspozimi ndaj hapësirave të gjelbra redukton nivelet e kortizolit në pështymë, një tregues i rëndësishëm fiziologjik i stresit, duke përmirësuar gjendjen shpirtërore.
Lexo edhe: Femijet ne fshat me pak te rrezikuar nga astma
Për të lënë një koment ju duhet të jeni regjistruar Identifikohu