Gjatë shtatëzanisë gruaja mund të ndiejë disa shqetësime me të cilat ndoshta nuk është përballur ndonjëherë më parë, dhe një prej tyre mund të jenë marrjet e mendtve.

Por çfarë i shkakton ato?

Këto marrje mendsh e kanë origjinën nga ulja e presionit të gjakut, gjë e cila vihet re kryesisht gjatë muajve të parë të shtatëzanisë. Ulja e presionit të gjakut shkaktohet nga veprimi i progresteronit, i cili shkakton një zgjerim të diametrit të venave dhe arterieve, në mënyrë që të sigurojë një prurje më të mirë të gjakut tek fetusi. E gjithë kjo gjendje shkakton tek nëna marrje mendsh, e cila do të jetë më e theksuar nëse gruaja para shtatëzanisë ka pasur tension të ulët. Në këtë rast ajo mund të përjetojë episode të humbjes së ekuilibrit, veshje të shikimit, gjendje të fikti, djersë të ftohta, të vjella të mëdha. Këshillohet të kryhet një vizitë tek mjeku gjinekolog.

Si mund të lehtësojmë simptomat?

• Mos qëndroni asnjëherë me stomakun bosh;
• Ndërsa jeni në shtëpi qëndroni shtrirë me këmbët më lart se koka;
• Nëse jeni në rrugë ndaloni sapo të ndieni shqetësimin e parë dhe nëse keni mundësi uluni diku;
• Mos u coni me shpejtësi nga krevati si edhe evitoni banjot e nxehta;
• Evitoni daljen gjatë orëve të nxehta si edhe mos qëndroni shumë kohë në këmbë;
• Ndiqni një dietë të ekuilibruar që përmban ushqime të lehta si edhe konsumoni shumë ujë;
• Merrni me udhëzimin e mjekut suplementë me bazë kaliumi dhe magnezi të cilët ngrejnë presionin e gjakut, kryesisht nëse episodet e përjetuara janë mjaft intensive.