Foshnjat dhe gripi: si ta shmangni atë
Ardhja e një të porsalinduri në botë nuk përfshin vetëm shumë përgjegjësi, por edhe një seri masash paraprake. Veçanërisht, shmangien e fëmijës nga temperatura, viruset dhe ftohja kur është vetëm disa javësh e muajsh. Ajo që në sytë tanë duket si një temperaturë e parëndësishme, për të porsalindurit mund të jetë shumë më serioze.
Çfarë duhet të bëni
Kjo është arsyeja pse çdo prind, anëtar i familjes ose një mik i cili është në kontakt me foshnjën duhet të shmangë disa gjëra sepse fëmija është ende shumë i brishtë.
Nëse mënyra më e lehtë, por në të njëjtën kohë debatohet, për të luftuar gripin është vaksinimi, është gjithashtu e vërtetë që foshnjat nën gjashtë muaj nuk mund t’i nënshtrohen vaksinimit. Një zgjidhje alternative u dha nga ekspertja Adima Lamborghini, anëtare e Fimp, Qendra e Studimit të Federatës Italiane të Mjekëve Pediatër.
Lani mirë duart
Para së gjithash, mjeku theksoi sekretin e parë për të parandaluar këto probleme tek të porsalindurit: larjen e shpeshtë të duarve. Një larje e shpejtë nuk është e mjaftueshme, por me sapun duhet të fërkoni mirë mes gishtërinjve. Sipas ekspertëve, kjo gjë duhet të bëhet të paktën çdo dy orë.
Shmangni puthjet, zvogëloni kontaktin
Në përgjithësi, veçanërisht kur foshnja është shumë e vogël dhe prindi ose i afërmi ka një ftohje ose temperaturë, çdo lloj kontakti duhet të shmanget,sidomos puthjet. Dhe, nëse ndodh që të teshtini, mos e mbuloni gojën me dorën tuaj me të cilën, më pas do të përkëdhelni vogëlushin, por me shami.
Shmangni zonat e mbyllura
Shmangni ambientet që janë të mbyllura dhe të mbushura me njerëz, pa qarkullim të ajrit. Nxirrini fëmijët tuaj në park, jo në supermarket apo qendra tregtare! Kur jeni në shtëpi, hapni dritaret shpesh dhe sigurohuni që të ajrosni dhomat, në mënyrë që të mos i ngrohni shumë.
Mos harroni se temperatura e brendshme e një shtëpie me një të porsalindur duhet të jetë rreth 18-19 ° C. Asnjëherë mos arrini 25 ° C: në këto kushte, në të vërtetë, mikrobet shumohen më mirë, membranat mukoze thahen dhe bëhen më të ndjeshme për t’u sulmuar.
Për të lënë një koment ju duhet të jeni regjistruar Identifikohu